Бұл туралы облыс әкімдігінде өткен шұғыл штаб отырысында Түркістан облыстық қоғамдық денсаулық басқармасының басшылығы мәлімдеді. Облыс әкімінің орынбасары Жолдымұрат Аманбаевтың төрағалық етуімен өткен жиын барысында өңірдегі міндетті әлеуметтік медициналық сақтандыру жүйесін енгізуге дайындық барысы талқыланды. 

Түркістан облысы мәдениет басқармасының ұйымдастыруымен 2019 жылғы 20 қарашада сағат 11.00-де "Жастар ресурстық орталығында" облыстағы мектепке дейінгі мекемелердің 4-6 жас аралығындағы бүлдіршіндердің қатысуымен «Бала шақтан болашаққа – ана тілімен!» байқауы өтеді. Байқауға аудандық, қалалық байқаулардың 15 бүлдіршін жеңімпазы қатысатын болады. 

Түркістан қаласында волейболдан тұңғыш рет КСРО мен Қазақ КСР-нің еңбек сіңірген жаттықтырушысы, волейболдан Қазақ КСР-нің тұңғыш КСРО спорт шебері, атақты волейболшы Октябрь Жарылқаповтың жүлдесіне арналған республикалық жарыстың жалауы түрілді. Жасөспірімдер арасында басталған сайысқа елімізден 8 команда қатысып, бақ сынауда. 

Келес ауданы әкімдігіне қарасты жұмыспен қамту және әлеуметтік бағдарламалар бөлімі басшысының міндетін атқарушы Асылхан Бахтиярұлы Келімбетов бөлімнің ағымдағы жылдың 9 айында атқарған жұмыстары туралы есебін жергілікті БАҚ өкілдерімен бөлісті.

Қазіргі таңда АИТВ инфекциясы дүниежүзілік проблеманың біріне айналды. Соңғы статистикаға жүгінсек, бұл инфекциямен 40 миллионнан астам адам өмір сүреді. Адам ағзасындағы иммун тапшылығы вирусын жұқтырғандардың арасында қазақстандықтар бар. Қолда бар мәліметке қарасақ елімізде 24 мыңнан адам аталған вирусты жұқтырған. Бұл тек ресми тіркелген жағдай екен. «Шын мәніндегі көрсеткіш бұдан әлде қайда жоғары болуы мүмкін. Себебі, қоғамда аталған вирусты жұқтырғанымен, оны жариялауға қорқып жүргендер көп болуы мүмкін», - дейді мамандар. Жұқпалы дерттің алдын алу мақсатында Отырар ауданында ашық есік күні өтті. 

90 жылдық шежірелі тарихы бар Түлкібас аудандық «Шамшырақ» қоғамдық-саяси газетінің шаңырағында мерейлі мереке, қуанышты жайт аталып өтілді. Ол осы редакцияда талай жылдан бері қаламы мен қағазын тастамай әдемі әңгімелермен қатар мағыналы мақалалар жазып жүрген журналист, жазушы Орынтай Көмеков пен ауданның «Бас ақыны» аталып кеткен ақын, Әбдібек Аралбайұлының кітаптарының жарыққа шығып, оқырмандарға жол тартуы болып отыр.

Қазығұрт ауданында таңқурай өсіруді кәсіп еткен жергілікті диқандар жылына 2-3 өнім алу әдісін мықтап қолға алған. Сондай-ақ, аймақта өсімдік майын өндіру ісі де қарқынды. Өндіріс қуаттылығы жылына 1000 тонна өнімді құрайтын цех Қытай Халық Республикасына мақсары майын экспорттайды. Кәсіпорын мақта майын да өндіреді. Бұл туралы облыс әкімінің аймаққа жасаған сапарында айтылды.

Түркістан облысы, Арыс қаласы әкімдігінде Арыс қалалық қоғамдық кеңестің кезекті жиыны өтті. Қоғамдық ой-пікір, ұсыныс және көпшілік сұрақтарына жауап беруге арналған жиынды қалалық Қоғамдық кеңес төрағасы Б.Ділдәбеков ашып, жүргізіп отырды.

Тұңғыш Президентіміз Нұрсұлтан Әбішұлы Назарбаев «Спорт – әр елдің даңқын шығарып, байрағын биіктететін айтулы бәсеке. Қазақстан – әлемде саяси тұрақты, экономикасы өркендеген іргелі ел ғана емес, халықаралық спорттағы табыстарымен және талантты спортшыларымен танылған мемлекет» деп атап өткен болатын.

Қазақстан Республикасы Үкіметінің 2016 жылғы 14 сәуірдегі №213 қаулысымен бекітілген Қазақстан Республикасында мүгедектердің құқықтарын қамтамасыз ету және өмір сүру сапасын жақсарту жөніндегі 2016-2018 жылдарға арналған іс-шаралар жоспарының үшінші кезеңінің 53 тармақшасын орындау мақсатында 2017-2021 жылдарға арналған даму концепциясына сәйкес үйде арнаулы әлеуметтік қызмет алатын мүгедектігі бар балаларды кезең-кезеңімен күндізгі қатынау бөлмелеріне ауыстыру жоспарланған.