2008 жылы ЮНЕСКО-ның Дүниежүзілік мәдени мұра тізіміне, 2017 жылы ҚАЗАҚСТАННЫҢ КИЕЛІ ЖЕРЛЕРІНІҢ ГЕОГРАФИЯСЫНА енген тарихи құнды жәдігер, қайта жаңғырту жұмыстары жүргізілген «Таңбалы тас» тарихи ескерткішінің ашылу рәсімі болды. 

Елімізде кәсіби мемлекеттік аппарат құру, ашық азаматтық қоғам негіздерін нығайту жолында нақты қадамдар жасалып жатыр. Ол жергілікті атқарушы биліктің халықпен қарым-қатынасынан нақты оң көрініс тауып жатқаны жасырын емес. Осы мақсатта Созақ ауданының Сызған ауылдық округінде бүгін қоғамдық қабылдаулар өткізілді. 

Бүгін аудан әкімі әлемдік додада ел намысын қорғап, Әзірбайжан мемлекетінде грепплингтен, Сербия елінде гір тасын көтеру спортында Әлем чемпионатында табысты өнер көрсетіп, чемпион болып, жүлде алған Қуандық Ерғараев, Қобыланды Орынбасаров, Ерболат Ахмет, Мыңжасар Алпамысов, Мұрат Серікбаевты қабылдады. 

«Әзірет Сұлтан» мемлекеттік тарихи-мәдени қорық-музейінің ұйымдастыруымен Түркістан қаласындағы  Н.А.Некрасов атындағы №9 мектеп-гимназиясында «Тәуелсіздік нышаны – төл теңге» атты көрме және «Қазақстан территориясындағы ақша айналымы» тақырыбында лекция өтті. 

Сайрам ауданының орталығы Ақсукентте инсульт алған әйелдерге арналған «Возрождение» сауықтыру кешені өз жұмысын бастады. Ақсукент ауылында ашылған орталықта науқас нәзікжандылар дене жарақатынан кейін оңалту және қозғалыс қызметін қалпына келтіруді қажет ететін көмек ала алады. 

Кентау қаласының әкімі Дәурен Махажанов қаржы саласы қызметкерлерінің төрт көзін түгелдеп, кәсіби мерекелері – Ұлттық валюта күнімен құттықтады. 

Бүгін Шаян ауылындағы спорт кешенінде Бәйдібек аудандық мәслихатының 25 жыл мерекесіне орай мәслихаттың тұңғыш хатшысы Бейсебай Серік Күзенбайұлын еске алуға арналған жастар арасында волейболдан аудандық турнир өтті. Турнирдің салтанатты ашылуына аудан әкімі Бақытбек Танагөзов қатысып, аудан бойынша барлық шақырылымдағы мәслихат депутаттарын мерекемен құттықтады. 

Бұған Қазақстан Республикасының Сыбайлас жемқорлыққа қарсы іс-қимыл агенттігінің Түркістан облысы бойынша департаменті мен облыстық адами әлеуетті дамыту басқармасы ұйытқы болды. Жиынға департаменттің Превенция басқармасының басшысы Ғ.Жүндібаев, облыстық адами әлеуетті дамыту басқармасының басшысы Р.Жолаев және облыстағы барлық 16 ауданнан келген 1000-ға жуық аталмыш ерікті мектеп клубтарының мүшелері қатысты. 

Мемлекеттік туды қастерлеп, қадір тұту – әр қазақстандықтың парызы. Ол мемлекеттің егемендігі мен біртұтастығын білдіретін басты рәміздердің бірі болып табылады. Осыған орай бүгін аудан орталығындағы «Наби» сауда орталығының ғимаратында аудандық ішкі саясат бөлімінің ұйытқы болуымен «Менің туым – менің Отаным!» атты патриоттық акциясы өтті. Шараға аудан әкімінің орынбасары Е.Күзембаев, аудандық «Нұр Отан» партиясы филиалының бірінші орынбасары А.Нұранов, аудандық ішкі саясат бөлімінің басшысы Р.Алтынбеков және аудан жастары қатысты. 

2019 жылдың 13 қарашасында Түркістан облысы әдістемелік орталығының ұйымдастыруымен өткізілген республикалық «Педагогикалық идеялар фестивалі» байқауына ауданнан 12 пән мұғалімі қатысты. Байқауда І орынға 7 мұғалім, ІІ орынға 5 мұғалім ие болды.