Бұл кеңсе полиция қызметкерлері мен халық арасында алтын көпір орнататын орын болмақ. Мұнда азаматтардың құқықтары қорғалып, талап, тілектері тыңдалады. Нысанда келушілерді қабылдауға барлық жағдай жасалып, жедел басқару орталығымен бейнебақылау жүйесі тартылған. Жергілікті, әкімшілік полиция басқармасының қызметкерлері, анықтаушылар, тергеушілер мен құжаттамамен қамтамасыз ету бөлімінің мамандары. Бұлардың барлығы азаматтар тарапынан қойылған сұрақтарға жауап береді» - дейді анықтау бөлімшесінің басшысы Азат Мусырманқұлов.

Полиция департаменті қызметкерлерінің айтуынша, фронт-офистің ашылуы азаматтардан келіп түсетін өтініштердің қаралу мерзімін қысқартады. Полиция жұмысының ашықтығын және сұрақтардың жедел шешілуін қамтамасыз ететін болады. Сондай-ақ сыбайлас жемқорлықтың төмендеуіне өзіндік септігін тигізбек.

«AQ-QARA-KZ» - ақпарат»