Бірінші сектор Арыстағы жарылыс орын алған аумаққа жақын орналасқан. Сол себепті, мұндағы үйлердің басым бөлігі жөндеу жұмыстарын қажет етеді. «Жалпылама 482 үйдің 270-нің құжаты қабылданды. Осы жерде есік, терезесі сынған, шатыры кеткен. Осы үйлер бойынша жұмыстар атқарылуда» - дейді Жетісай аудандық сәулет және қала құрылысы бөлімінің бас маманы Дәулет Мырзаханов. Жетісайлық дәрігерлер де Арыс қаласының тұрғындарына көмек қолын созуда. Фельдшер, медбрат пен жалпы учаскелік дәрігерден құралған 3 адам әр апта сайын ауысыммен жұмыс істеуде.

Құрылыс жұмыстарымен қатар тазалық мәселесі де ұмыт қалмаған. Ол үшін техникалар күндіз-түні жұмыс істеуде. Бұл мақсатқа 20-ға жуық жұмысшы тартылған. Бұл жұмыстар жөнінде Жетісай ауданы әкімінің орынбасары Асан Махамбетов: «негізі құрылыс компаниясы өздерінен шыққан қоқыстарды шығарады. Одан қалғанын біздің аудан. 2 погрущик, 5 таситын көліктер 2 камаз, 2 хова жұмыс істеп жатыр» - дейді.Ал, 1-ші сектордағы тұрғындар Атырау облысы мен Жетісайлық ағайынға алғысын айтуда. Олардың көпшілігі бұйыртса жаңа ғимаратқа қоныстанатын болдық деп қуанып отыр.

«AQ-QARA-KZ» - ақпарат»