Мейрамкүл Көксу ауылындағы «Айлин» балабақшасында еден жуушы болып қызмет етеді. Жанерке, Аман, Есен есімді үшемді анасы облыстық №1 перинаталды орталықта босанған. Дәрігерлерінің көмегімен аяғы ауыр әйелге жеткіліктің 32 аптасында ота жасалды. Шақалақтар 1740, 2250 және 2370 грамм салмақпен дүниеге келді. Ал, отағасы Төребек Сапаров ауылдағы Саттар Ерубаев атындағы жалпы орта мектебінде еңбек етеді.

Жергілікті билік тамыз айының 17-не туылған үшемдердің де, анасының да жағдайының жақсы екендігін айтады. Тиісті көмектер көрсетіліп жатыр. Сапаровтардың шаңырағында өмірге келген үшемдер ауданда соңғы он жылда туылған төртінші үшем болса, ауылда туылған екінші үшем. Бұған дейін екі қазақ және бір орыс ұлтының отбасында осындай қуаныш орын алған болатын. 

«AQ-QARA-KZ» - ақпарат»