Қан майдан мен сұрапыл соғыс жылдарында Отан үшін отқа түскен азаматтарға қолдау төмендегі тізім бойынша іске асты:

Ұлы Отан соғысына қатысушылары мен мүгедектері тізіміне орай: 4 ардагерге 1 млн. теңгеден;

Ұлы Отан соғысы қатысушысына теңестірілген 288 адамға 55560 теңгеден;
Соғыста қаза болған жауынгерлердің жұбайлары тізіміне орай: 24 адамға 30 мың теңгеден;
661 тыл еңбеккерлеріне 30 мың теңгеден қаржы аударылды.

Жоғарыда көрсетілген 4 ардагердің ең үлкені 98 жаста. Ең жасы 93-те. Бүгінгі Тәуелсіз елде жарқын күн кешіп отырғанымыз қаймықпай, өмірін қиюға даяр болған жандар қандай сый-сыяпат болса да лайықты.

Ал, Түркістан облысында Ұлы Отан соғысы ардагерлері мен соларға теңестірілгендер саны 8293 адамды құрайды. Оның 40-ы Ұлы Отан соғысының ардагері, 256-сы Ұлы Отан соғысының қатысушылары мен мүгедектеріне теңестірілгендер. Бұдан бөлек, облысымызда 7997 тыл еңбеккерлері есепке алынған.

«AQ-QARA.KZ»-ақпарат.