Шымкент қаласының әкімі Ерлан Айтаханов белгілі ақын, Қазақстанның еңбек сіңірген қайраткері Ақмарал Леубаеваны қабылдап, 50 жылдық мерейтойымен арнайы құттықтады. 

Биыл қазақтың тұңғыш дипломаты, тілші, ағартушы-ғалым Нәзір Төреқұловтың туғанына – 127 жыл. Осыған орай, Шымкенттегі қоғам қайраткерінің есімін иеленген №62 жалпы орта мектепте кездесу кеші өтті. Айтулы жиында «Алаштың асыл перзенті» тақырыбында сахналанған көрініс ұсынылып, ұлтжанды азаматтың ұлтына сіңірген еңбегі дәріптелді. 

«Мегаполистегі ақпараттың рөлі». Осындай атаумен Төлеби ауданындағы Қасқасу шатқалында семинар-тимбилдинг өтті. Шымкент қалалық Ішкі саясат және дін істері басқармасы ұйытқы болған шарада журналистерге қазақ блогосферасының үздігі Асхат Еркімбай мен ІТ-блогер Бектұр Тимур әлеуметтік желіні күнделікті өмірде дұрыс қолданудың бағыттарын көрсетіп, білгендерімен бөлісті. 

Шымкент қалалық жасөспірімдер кітапханасы «Темірқазық» клубының бастамасымен жастар жылына және студенттер күніне орай «non stop!» шарасын ұйымдастырды. Ондағы мақсат – жастардың білім-ғылымға қызығушылығын оятып, кітапханаға шақыру. Кеште әдеби-композициялық көрініс қойылып, түрлі танымдық ойындар ойнатылды. 

«Қорғас-Алматы-Шымкент-Өзбекстан Республикасының шекарасы» А2 автожолының Бадам өзенінің үстіндегі көпірдің бір бөлігінің құрылысы аяқталды. Мердігерлер «Санаулы күнде осы көпірдің үстінен көлік қатынасы жанданады»- деп мәлімдеді. 

Жасөспірімдердің психологиясымен дұрыс жұмыс жүргізу. Осы бағытта Шымкентте мектеп психологтары арасында семинар тренинг басталды. Білім ұясындағы мамандарға медицина ғылымының докторы тәрбиесі қиын оқушылармен жұмыс жүргізудің тиімді, замануи жолдарын үйретуде. 

Бүгін Шымкент қаласының әкімі Е.Айтахановтың төрағалығымен аппарат мәжілісі өтті. Мәжілісте «Нұрлы жол» инфрақұрылымды дамытудың 2015-2019 жылдарға арналған мемлекеттік бағдарламасын іске асыру және 2020-2025 жылдарға арналған жобасы мен мемлекеттік-жекеменшік әріптестік жайында мәселелер көтерілді. 

Бүгін Шымкент қаласының Әл-Фараби ауданына қарасты Сәуле шағынауданындағы №129 Ы.Алтынсарин атындағы жалпы орта мектебінің мәжіліс залында Шымкент қаласы әкімдігінің Халықты жұмыспен қамту орталығы және қаланың төрт ауданы әкімдігі бірлесіп "Өңіраралық бос жұмыс орындары" жәрмеңкесін өткізді. Жәрмеңкеде қала аумағында орналасқан кәсіпорындармен, мекемелердегі бос жұмыс орындары, солтүстік өңірлердегі жұмыс берушілерден ұсынылған бос жұмыс орындары ұсынылып, қоныс аударуға ниет білдірген азаматтардан өтініштер және "Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған "Еңбек" мемлекеттік бағдарламасы аясында 2500 бос жұмыс орны ұсынылып отыр. 

ҚР Президентінің Жолдауы бойынша құрылған ақпараттық-насихаттық топ мүшелері "Asia Тrafo" зауытының жұмысшыларымен кездесіп, маңызды құжаттың мән-маңызын түсіндірді. 

Қазір Шымкент қаласы бойынша атаулы әлеуметтік көмек (АӘК) алуға 67 мыңнан аса отбасы өтініш білдірген. Жәрдемақы олардың 80%-іне мемлекеттен алған ақшасына есеп беру шартымен тағайындалған. АӘК 2020 жылдың 1 қаңтарынан бастап қалай өзгереді?