Арыс қаласын қалпына келтіру жұмыстары 17 секторға бөлініп, облыс пен аудандарға тапсырылған болатын. Соның бірі – Атырау облысы мен Жетісай ауданына қарасты №1 сектор. 

Олимпиада ойындарында елімізге көптеп медальдер жиынтығын беретін ауыр атлетика спортын Түркістан облысында дамыту үшін бірқатар игілікті істер атқарылуда. Бүгін Арыс қаласында №2 олимпиадалық спорт мектебі жанынан ауыр атлетика спорт кешені ашылды. 

Ордабасы ауданының құрылғанына 55 жылдығына арналған салтанатты іс-шара бүгін таңнан бастау алды. Бекітілген бағдарламаға сәйкес, Темірлан қаласындағы Қажымұқан атындағы орталық стадионда эстафеталық марафон өтіп, ауданның мақтанышы, белгілі балуан Абзал Арыстанбек мерекелік жалауды көтерді. 

Бүгін Арыс қалалық әкімдігінің мәжіліс залында Арыс қаласын қайта қалпына келтіруге арналған аппараттық жиын өтті. Түркістан облысының әкімі Өмірзақ Шөкеев төрағалық еткен жиында облыстық Құрылыс басқармасы басшысының орынбасары Ербол Ахметов әр сектордағы құрылыс жұмыстарына тоқталды. 

Шығыс Қазақстан облысы, Көкпекті ауданында «Толағай сұлтан-2019» халықаралық спорттық-шығармашылық сайысы өтті. Жыл сайын облыс көлемінде өтетін сайыс биыл халықаралық деңгейде ұйымдастырылды. 

Тамшылатып суғару - ең алдымен судың ысырабын азайтып, екіншіден, өнім көлемі арттыратын суғарудың үнемді әдісі. Бүгінгі таңда Түлкібас ауданының бау-бақша өсірумен айналысатын шаруалары алдыңғы қатарлы озық технологияларды қолдана отырып, мол өнім алуда. 

Созақ ауданында жастарды жұмыспен қамту мәселесі оң шешімін тауып келеді. Кәсіпкерлерге де қолдау көп. Дипломмен ауылға көшіп келіп жатқан өрендердің де саны арта түскен. Осы және өзге де жетістіктер «Жастар күні» мерекесі барысында айтылды. Атаулы күнде өз саласында үздік атанғандар марапат биігінен көрінді.

Елбасының тапсырмасы аясында ағымдағы жылдың наурыз айында «Қарапайым заттар экономикасы» бағдарламасы жұмысын бастаған болатын. ҚР Үкіметі бағдарлама бойынша халық тұтынатын тауарларды, шикізатты жәнебастапқы қайта өңдеу өнімдерін өндірілуіне қолдау көрсетеді. Бүгінгі таңда бағдарламаны іске асырудан Түркістан облысы көш бастап тұр. Өңірдн жалпы құны 64,5 млрд. теңгені құрайтын 206 жоба бойынша жұмыс жүргізіліп жатыр. Бұл туралы бағдарламаны іске асыру бойынша Өңірлік жобалау офисінің кезекті отырысында мәлім болды.

ҚР Мәдениет және спорт министрлігі, ТҮРКСОЙ Халықаралық ұйымы, Түркістан облысы әкімдігінің ұйымдастыруымен Түрік кеңесінің 10 жылдығына орай ТҮРКСОЙ Жастар камералық оркестрінің концерті Түркістан қаласында бастау алады. Бұл туралы Жастар ресурстық орталығында өткен баспасөз-мәслихатында ТҮРКСОЙ Халықаралық ұйымының Бас хатшысы Дүйсен Қасейінов мәлімдеді.

Кентау қаласына қарасты Қарашық ауылында ауыл шаруашылығы ісі қарқынды. Мысалы «Тұран» шаруақожалығы мақта мен сүт өңдейтін цех ашып, жыл сайын тонналап өнім өндіруде. Осылайша, алақандай ғана ауылда істің көзін тапқан кәсіпкер 200-ге жуық адамды жұмыспен қамтып отыр.