Созақ ауданының бағбандары өткен жылы қауын-қарбыз егіп, экспортқа шығарған болатын. Бұл істі биылғы жылы да қолға алып отыр. Созақ ауданының диқандары 15 келіден асатын қарбызды егіс алқабынан жинап алуда. Демек, шаруалар биылдан бастап қауын-қарбыздарын шетелге саудалайтын болады.

Шардара ауданында соңғы онжылдықта төртінші отбасында үшем өмірге келіп отыр. Ал, осы Шардара ауданы Көксу ауылында екінші отбасында үшем туылды. Бұған дейін екі ұл, екі қызды дүниеге әкеліп, тәрбиелеп отырған үшемдердің анасы Мейрамкүл Мамбетова 1987-жылы туылған.

ҚР Мәдениет және спорт министрлігіне қарасты «Әзірет Сұлтан» мемлекеттік тарихи-мәдениет қорық-музейінде аудиогид жобасы іске қосылды. Қожа Ахмет Ясауи кесенесіне келушілер мен туристер аталған құрылғыдан қазақ, орыс, ағылшын тілдерінде мәлімет алып, саяхат жасай алады.

«Қазақстанның үздік әлеуметтік жобалары» республикалық конкурсына Түркістандықтар да қатысып, бақ сынайды. «Nur Otan» партиясы Түркістан облыстық филиалында аталған конкурстың облыстық іріктеу кезеңі өтті.

«Бизнестен бизнеске көмек» жобасы аясында Арыстағы 85 кәсіпкерлік нысанға 700 млн теңгеге жуық қаржылай көмек көрсетілген. Жобаның басты үйлестірушісі «Менің Атамекенім» қоғамдық бірлестігі.

ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Түркістан облысы бойынша Департаментінің бастамасымен Түркістан қалалық әкім аппаратының қызметкерлері мен әкімдікке қарасты дербес бөлімдерінің және мемлекеттік мекеме басшыларының қатысуымен кездесу өтті.

Арыс - алып құрылыс алаңына айналды. 15-ші секторға бекітілген Алматы облысы мен Бәйдібек ауданының аумағында 812 үй бар. Оның 90 пайызы жөндеу жұмыстарын қажет етеді. Бір үй өртеніп, тағы біреуі апатты деп танылған. Бүгінде сол үйлерді қалпына келтіру жұмыстары жүргізілуде .

Бүгінде облыс тұрғындарын заңсыз жер берілуі, қараусыз қалған ауыл ахуалы мен жауапсыз қалған арыз-шағымдар мәселесі мазалайтын көрінеді. Осындай мәселелермен танысу үшін Түркістан  облыстық Әдеп жөніндегі Кеңес мүшесі, республикалық «Егемен Қазақстан» газетінің Түркістан облысы бойынша тілшісі  Ғалымжан Елшібаев өңір тұрғындары арасында жеке қабылдау өткізді.

«Жас кәсіпкер» –  оқу жобасы Түркістан қаласы мен басқа аудандарда өтіп жатыр. Жобаға қатысқан түлектер өздерінің іскерлік дағдыларын дамытып, соңында бизнес жоспар жасап шығады. Сол арқылы  өз кәсібін ашуға және грант түрінде бастапқы 505 мың теңге, одан соң, 8000 АЕК-ке дейінгі жеңілдетілген несиені жылдық 6%-бен алатын болады.  Жалпы барлық қатысушыларға 19 753 теңге шәкіртақы төленеді.

ҚР Парламенті сенатының депутаты Әли Бектаев пен Әлімжан Құртаев Төлеби ауданының тұрғындaрымен кездесті. Ауданның әлеуметтік-экономикалық әлеуетін бағамдап, кәсіпкерлердің мұң-мұқтажына құлақ түрді.