ҚАЗ РУС

Жұма, 27 Наурыз 2020 18:46

Шымкентте электр жарығы, су, газ, жылу беру тоқтатылмайды

Шымкентте электр жарығы, су, газ, жылу беру тоқтатылмайды

Коронавирусқа байланысты елімізде жарияланған төтенше жағдай кезінде тұрғындарға электр жарығы, су, газ, жылу беру тоқтатылмайды. Төтенше жағдай мерзімі аралығында коммуналдық төлемдер бойынша қарызы бар азаматтар газ, жылу жүйесінен ажыратылмайды, электр жарығы сөндірілмейді. Ауызсумен қамту да толық жүргізіледі. Табиғи монополияларды реттеу комитетінің Шымкент қаласы бойынша департаменті пайда болған берешектері үшін тұтынушыларға коммуналдық қызметтерді тоқтатпау жөнінде табиғи монополия субъектілеріне ұсыныс хатпен шыққанын хабарлады. 

«ҚР Президентінің 2020 жылғы 15 наурыздағы №285 Жарлығына сәйкес, Қазақстан Республикасы халқының қауіпсіздігін қамтамасыз ету мақсатында елде төтенше жағдай жарияланған. Жарлықты орындау мақсатында ҚР Ұлттық экономика министрлігі Табиғи монополияларды реттеу комитетінің 19.03.2020 жылғы№43-6-18/328 шығыс хатына сәйкес, ҚР халқының қауіпсіздігін қамтамасыз ету мақсатында табиғи монополиялар және  қоғамдық  маңызы  бар нарықтарсубъектілері тұтынушылардың пайда болған берешектері  үшін төтенше жағдайдың қолданылуы кезеңінде тұрғынүй, коммуналдықшаруашылық саласында реттеліп көрсетілетінқызметтерді тоқтатпауды ұсынады» - дейді ҚР ҰЭМ табиғи монополияларды реттеу комитетінің Шымкент қаласы бойынша департаментінің басшысы Дархан Қайынбердиев.

«AQ-QARA.KZ»-ақпарат.

Оқылды 493 рет
Жоғарыға