Қазақстан Республикасының Тұңғыш Президенті, Елбасы Нұрсұлтан Назарбаевтың бастамасымен «Birgemiz» республикалық қоғамдық қоры құрылып, жұмыс жүргізіп жатыр. Қорға еліміздегі ірі кәсіпкерлер, ауқатты азаматтар, жетекші компаниялар қолдау білдіруде. Қор жұмысының басты мақсаты – СOVID-2019 індетіне қарсы күресті күшейту, әлеуметтік аз қамтылған отбасыларға көмек беру. Бұл жөнінде Шымкент қаласының төтенше жағдай жөніндегі штабы хабарлады.
Эпидемиялық жағдайға орай қабылданған карантин кезінде халықтың бір жерге көп шоғырланбауы өте маңызды. Осы санитарлық талаптарды орындау мақсатында қаладағы екінші деңгейлі бірнеше банк бүкіл қызметтерді онлайн-режимге көшірді.
Коронавирус қауіпін көп тудыратын орынның бірі – қаржы ұйымдары. Күніне мыңдаған адамға қызмет көрсететін қаладағы екінші деңгейлі банктерде келім-кетім көп. Төтенше жағдайға байланысты бұл нысандарда санитарлық жұмыстарға аса мән берілуде.
Елімізде қалыптасқан жағдайға байланысты Шымкент қаласындағы базарлар мен дүкендер және сауда орындары төлемдерді POS-терминалдар арқылы қабылдауды бастады. Бұл өз кезегінде коронавирустың таралуына тосқауыл болмақ. Оған қоса көлеңкелі бизнестің жолын кеседі. Бұл туралы ақпараттық-коммуникациялық орталықта өткен брифингте Шымкент қаласы бойынша кірістер департаментінің мамандары мәлімдеді.
Қолма-қол төлемдерден бас тарту – бірінші кезекте өз қауіпсіздігіңіз. Себебі ақшаның қаншама адамдарда айналымда болатынын ескерсек, вирусты жұқтыру қаупі де соншалықты жоғары. Екіншіден, сауда орындарына POS-терминалдың міндеттелуі көлеңкелі экономиканың көлемін кемітеді. Бұл туралы Мемлекеттік кірістер департаментінің мамандары ақпараттық орталықта өткен брифингте мәлімдеді.
Сovid-2019 жұқпалы індетінің алдын алу бойыша Шымкент орталық мешіті жанынан шағын тігін цехы іске қосылғанын айта кетейік. Игі бастама Шымкент қаласының Бас имамы Бақтыбай қажы Бейсенбаевтың тікелей қолдауымен жүзеге асырылды.
Бағаны негізсіз көтеріп, тазалықты сақтамаған базарлар жабылады. Бұл туралы бүгін қала әкімі М.Әйтенов көтерме базарларды аралау барысында мәлімдеді. Қала басшсы алдымен «Жібек жолы» базарында болып, ондағы саудагерлермен жүздесті.
Тауарларды тасымалдауда қиындық жоқ. Бүгін қаладағы ірі қоймаларды аралап шыққан қала әкімі М. Әйтенов осылай деді. Бағаны тұрақтандыру үшін 2020 жылы қордан 1,9 миллиард теңге қарастырылған. Мұрат Дүйсенбекұлы қажет болған жағдайда тағы 800 миллион теңге бөлуге болатынын жеткізді. Тұрақтандыру қорының көлемі 2,2 миллиард теңгені құрайды.