Экономика

Түркістан: Кәсіпкерлерге банкроттық туралы заң түсіндірілді

Түркістан облысы кәсіпкерлер палатасы алаңында "Қазақстан Республикасы азаматтарының төлем қабілеттілігін қалпына келтіру және банкроттық туралы" жаңа заңды түсіндіру бойынша семинар өтті.

Заң ресми жарияланғаннан кейін 60 күн өткен соң күшіне енеді. Яғни, қарызы бар азаматтар 2023 жылдың наурыз айынан бастап банкроттыққа арыз бере алады.
Заң, 3 түрлі – соттан тыс банкроттығы, сот банкроттығы және төлем қабілеттілігін қалпына келтіру рәсімдерін қарастырады.
Барлық үш рәсімді тек борышкер ғана бастайды, яғни несие беруші немесе өзге кредитор борышкерге қатысты бұл рәсімдерді қолдануға құқығы жоқ.

????️Бірінші рәсім: Соттан тыс банкроттық тек банктер, микроқаржы ұйымдары және коллекторлық агенттіктер алдындағы қарыздар бойынша қолданылуы мүмкін.
Бұл рәсімді қолдану үшін келесі шарттар орын алады:
1. банктер, микроқаржы ұйымдары мен коллекторлар алдындағы берешек 5,5 млн теңгеден (1600 АЕК) аспаса;
2. өтініш берген күннен бастап қатарынан 12–ай ішінде міндеттемелері өтелмеуі тиіс;
3. мүлік, оның ішінде ортақ меншіктегі мүлік жоқ болуы;
4. банкпен берешектер бойынша жұмыс жүргізу;
5. банкроттық 7 жыл бойы қолданылмау қажет.
Сонымен қатар, Заң жобасымен:
- 6 ай ішінде атаулы әлеуметтік көмек алатын азаматтар үшін;
- 5 жылдан астам уақыт қарызы өтелмеген азаматтар үшін ерекше жағдайлар қарастырылған.

Соттан тыс банкроттық «Электрондық үкімет» веб-порталында басталады. Содан кейін ақпараттық жүйе арқылы борышкердің кіру критерийлеріне сәйкестігін анықтау мақсатында мүдделі мемлекеттік және басқа органдардың деректерімен автоматты түрде салыстыру жүргізілетін болады.
5,5 миллион теңгеден асатын қарыздар бойынша және басқа да берешек түрлері бойынша азаматтар сот банкроттығына жүгіне алады.
Сот банкроттығы мақсаты банкроттың мүліктік массасы есебінен кредиторлардың талаптарын барынша қанағаттандыру болып табылады.

ТҮРКІСТАНДА АУЫЛ ШАРУАШЫЛЫҒЫН ӘРТАРАПТАНДЫРУҒА КҮШ САЛЫНАДЫ

Ауыл шаруашылығын әртараптандыру - бәсекелестіктің басты шарттарының бірі. Келес ауданының шаруаларымен кездескен Түркістан облысының әкімі Дархан Сатыбалды бұл бағыттағы жұмыстарды күшейтіп, әртараптандырудың осы салаға тұрақтылық әкеліп қана қоймай, жердің құнарлылығын да арттыратынын алға тартты. Агроқұрылымдар мен ғалымдардың басын қосып, тәжірибе алмасудың маңыздылығына тоқталды. Ел Президенті Қасым-Жомарт Тоқаев Үкімет пен өңір әкімдеріне ауылдарды дамыту, халықтың әл-ауқатын көтеру жөнінде нақты тапсырма берген болатын. Осыған байланысты Түркістан облысының әкімі Дархан Сатыбалды Келес ауданына жұмыс сапарымен барып, елді мекендерді дамыту жолдарын саралады.

– Облыстың табиғи-климаттық жағдайын, мүмкіндігін ескере отырып, дамыған мемлекеттерден қалып қоймас үшін бәсекеге қабілетті әлемдік талаптарға сай өнім өндіруге ұмтылған жөн. Егілетін өнім сұранысқа сай болу керек. Бұл – бизнес. Сондықтан сатуды ойлау керек. Жаппай қырыққабат не қияр егіп, өткізе алмай қалудан қыруар еңбек пен қаражат зая кетуі мүмкін. Сондықтан бұл бағытты жүйеге қойып, алдын ала жоспарлау қажет, егістікті әртараптандыру өте маңызды, – деді Дархан Сатыбалды.

Өңір басшысы іссапар барысында Біртілек ауылдық округі аумағында орналасқан «Нұржан» шаруа қожалығының жылыжай жұмысымен танысты. Саланы жетік меңгерген қожалықтың егесі сапалы өнім алудың қыр-сырымен бөлісуге дайын.

8 гектар аумақта орналасқан жылыжай кешенінде 40-қа жуық азамат еңбектенуде. Көкөністің қырыққабат, қызанақ, қияр құлпынай және бұрыштың сан түрлі сорттары өсіріледі. Сонымен қатар көкөністерді тұқым күйінде егіп, шаруаларға дайын көшет күйінде саудалауда.

Дархан Сатыбалды биыл ауыл шаруашылығы саласына жеңілдетілген несиелер берілетінін, бұл бағытта Түркістан облысына 11 млрд. теңге қаралғанын атап өтті. Сондықтан ол несие нақты жоспары бар, іскер азаматтарға берілуі тиіс екенін жеткізді. Аудан, ауыл әкімдері жаңа жұмыс орындарын көбейтетін және өнім шығаратын жобаларды іріктеп, қолдау көрсетуі керектігін айтты. Бұл ретте жылыжайлар санын арттыруға да басымдық берілмек.

Сондай-ақ кәсіпкерлікті дамыту, өндіріс орындарын ашу, кәсіпкерлікке мемлекет тарапынан берілетін жеңілдіктерді тиімді жобаларға бағыттау барысын талқылап, аудан басшысына осы бағыттағы жұмыстарды күшейтуді тапсырды.

Облыс басшысы Келес ауданына жасаған сапары барысында Ақтөбе ауылдық округіндегі «Қызыләскер» қосалқы станциясының жұмысымен танысты. Қосалқы станциядан облыстағы 5 аудан электр қуатын алады деп жоспарланған. Жоба бойынша 4 дана қуатты автотрансформатор орнатылып, 72,2 шақырымға жоғары кернеулі ВЛ-220 кВ электр желісі тартылуда. Аталған жұмыстардың дені бүгінгі таңда аяқталып, жоба іске қосуға дайындық жұмыстары жүргізілуде.

Ордабасы: Жылқы шаруашылығын жандандырып отыр

Кәсіпкерлік еңбектің басқа түрлерінен оқшауланып тұрады. Атақты неміс экономисі, Гарвард университетінің профессоры Иозиф Шумпетердің «Кәсіпкер болу – басқаның істегенін істемеу» деген сөзі соның айғағындай. Өз еңбегін ұйымдастыра білген адам кәсібін дөңгеленте алады. Сондай жанның бірі Ордабасылық Қанат Мусаев. Кәсіпкерлік – жаңашыл іс, шаруашылық жүргізудің әдісі және өз бетімен жұмыс істеуге негізделген экономикалық ойлаудың ерекше үлгісі дер едік. Кәсіпкерліктің жолы тақтайдан тегіс болмайтыны да бесенеден белгілі. Өз кәсібін дөңгелетудегі қиындықтардың бірі бұл қаржы екені сөзсіз. Мұндайда кәсіпкерлерге мемлекеттік бағдарламалардың көмекке келетіні бар. Ордабасы ауданына қарасты Берген ауылының тұрғыны Мусаев Канат Шалданбайұлы өз кәсібін дөңгелету үшін сондай мүмкіндіктердің бірін пайдаланды. Ол аудандық кәсіпкерлерге қызмет көрсету орталығының қызметіне жүгінді. Осылайша орталықтың қызмет көрсетуімен "Аграрлық несие корпорациясы" АҚ-нан несиеге қол жеткізіп, несие қаражатына 14 саумалы бие сатып алған. Кәсіпкердің мақсаты жылқы санын арттырып, мал шаруашылығына өзінің үлесін қосу.Несие мерзімі - 10 жыл. Жылдық сыйақысы - 17%. Субсидия қарастырылған. Негізгі борыш бойынша 2 жыл, ал сыйақы бойынша 12 ай жеңілдік мерзімі тағы бар.

КЕЛЕСТІК 300-ДЕН АСА КӘСІПКЕРГЕ МЕМЛЕКЕТТІК БАҒДАРЛАМАЛАР АЯСЫНДА ҚОЛДАУ КӨРСЕТІЛГЕН

Түркістан облыстық «Атамекен» кәсіпкерлер палатасының Келес аудандық филиалы өткен жылы қаржы тапшылығынан кәсіп аша алмай жүрген 300-ден астам кәсіпкерге мемлекеттік бағдарламалар жайлы ақпарат беріп, түсіндірме жұмыстарын жүргізген.

Сонымен қатар, 40 азаматқа нақты қызмет көрсетілген.

«Атамекен» кәсіпкерлер палатасының Келес аудандық филиалының директоры Еркебұлан Маденовтың айтуынша, кәсіпкерлерге дер кезінде қажетті көмектер беріліп келеді.

- Өз бизнес жоспарымен келген кәсіпкер немесе кәсібін бастағалы жүрген азаматтарға мемлекеттік бағдарламалар аясындағы қолдауларды таныстырып, тиісті қаржы мекемелеріне бағыттадық. Облыстық кәсіпкерлер палатасы жанындағы «Атамекен-Түркістан» микроқаржылық ұйымынан «Бастау-Бизнес» жобасы бойынша оқыған 3 тәлімгерге 11,6 млн теңге, «Аграрлық несие коорпорациясы» АҚ мекемесі арқылы 27 млн теңге, сондай-ақ «Ырыс» МҚҰ-нан 108 млн теңге көлемінде несие алуға құжаттар пакетін дайындауға көмектестік, - деді филиал директоры.

Созақта 1940 кәсіпкерге кеңес беріліпі, құжаттары құнтталған

ТүркістаноблысыКәсіпкерлерПалатасыСозақаудандықфилиалының 2022 жылындаатқарылғанжұмыстарытуралы мамандары мәлім етті.

Ауданкөлеміндежылбасынанбері 226 жаңакәсіпкерліксубектілеріашылып, жалпысаны 3000-ғажеткен. Оныңішінде 275 жауапкершілігішектеулісеріктестік, 910 шаруақожалықтары, 1815 шағынжәнеортакәсіпкерліксубектілеріболыптабылады. Бізбұлкәсіпкерліксуъбектілерініңкезкелгенінебухгалтерлікжәнесалықтықесептерінжүргізу, заңгерлік, қаржыландырубойыншатолықсүйемелдеу, кеңестерберубойыншатегінқызметтеркөрсетіпкелеміз.

КәсіпкерлерпалатасыСозақаудандықфилиалыныңкеңесші-менеджерлерімен 1940 кәсіпкерлерменжекеазаматтарғабухгалтерлік, салықтық, статистикалықесептіліктіжүргізу, бизнес-жоспаржасау, заңгерлікқызметтеркөрсету, жекетұлғаларғакәсіпкерлікашу, малбасынкөбейтубойыншанесиеалуға, субсидиябойыншакеңестерберіліпқұжаттардайындауғакөмектеркөрсетілді.

Жобалардысүйемелдеужұмыстарыбойыншажылбасынан «Атамекен-Түркістан» МҚҰбойынша 3 жоба, «Агрорлықнесиекорпорациясы» АҚ -27 жоба,«ЫРЫС» МҚҰ-20 жобаКөктемгідалажұмыстарына-6 жобаегінегужұмыстарынақұжаттарырәсімделіп, жалпы 255 млн. теңгеніқұрады.

Аудандабірнешедүкендерментамақтанатынорындар, әсемдіксалон, тігінсаласыорындарыашылды.

АуданпрокуратурасыжәнеКеңесмүшелері,

« Іскерәйелдер» кеңесіосығанұқсастағыдабасқамекемелерменалуантүрлітақырыптакәсіпкелердіңқұқықтарынқорғаубойыншасеминарлар, кездесулер, дөңгелекүстелдерөткізілді. Жылбойыауылдықокругтіаралап, кәсіпкерлергемемлекеттікбағдарламалар, қолдауларбойыншакеңестерберіліпкелді.

Түркістан: Агроөнеркәсіптік кешенінің оң жұмыстары

Агроөнеркәсіп кешені бөліміне 2022 жылы 68 өтініш келіп түскен, оның ішінде 65 өтініш оң шешімін тапты. «Агроөнеркәсіп кешені және тамақ өнеркәсібі Комитетінің» кезекті 6 отырысы өткізіліп, 12 мәселе көтеріліп, 10 сұрақ оң шешімін тапқан.

Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларын бекіту туралы ҚР Ауыл шаруашылығы министрінің 2019 жылғы 15 наурыздағы № 108 бұйрығына сәйкес арнайы комиссияның субсидиялар алуға үміткер тауар өндірушінің инфрақұрылымына қорытынды алу бойынша 30 өтініш келіп түсті. Аталған шаруашылықтарды салыстырып-тексеру нәтижелері бойынша арнайы құрылған комиссия 28 кәсіпкерге оң қорытынды беріп, 2 өтінішке заң талаптарына сәйкес келмегендіктен теріс қорытынды берді.

Сонымен қатар көктемгі және күзгі дала жұмыстарына жеңілдетілген дизель отынының таратылуы бойынша шаруаларға барлығы 196 000 тонна жеңілдетілген дизель отыны таратылды.

Көктемгі дала жұмыстарына 47,9 мың тонна жеңілдетілген дизель отыны (жақын аудандарға 193 теңгеден, алыс аудандарға 195 теңгеден), күзгі дала жұмыстарына 48 мың тонна жеңілдетілген дизель отыны таратылды(жақын аудандарға 200 теңгеден, алыс аудандарға 202 теңгеден).

Инвестициялық салымдар кезінде шеккен шығыстардың бір бөлігін субсидиялау бойынша 6,3 млрд. Мал шаруашылығы өнімділігінің сапасын жақсартуды субсидиялауға 8,1 млрд, өсімдік шаруашылығында тыңайтқыштарды субсидиялауға 6,1 млрд қаражат бөлініп толығымен игерілді.

Палатаға келіп түскен «Бейбарыс-Б» ЖШС-ның өтініші бойынша шет елдерге ірі-қара мал, уақ мал терісін экспортқа шығаруда ветеринариялық қадағалау департаментінен асколизация зерттеуінен өтуі тиіс болған. Алайда, бұл зерттеуді іске асыру үшін арнайы сарысу (сывортка) қажет. Сарысу тапшылығы кесірінен мал терілері асколизация зерттеуінен өте алмаған. Мәселені шешу үшін «Агроөнеркәсіп кешені» бөлімінің эксперттері Ауыл шаруашылық министрлігімен бірлесіп Ресей Федерациясынан сарысу алдыртып, мәселе оң шешімін тапқан.

ШАРДАРАДА ТІГІН ЦЕХЫ АШЫЛДЫ

Шардара ауданында пилоттық жоба ретінде әлеуметтік осал топтағы, аз қамтамасыз етiлген отбасыларды, көпбалалы отбасыларды, 29 жасқа дейiнгi жастарды және 55-тен асқан зейнет жасына дейінгі адамдарды кәсіби оқытып, жұмыспен қамту мақсатында Алатау батыр ауылдық округiнен «Шебер» мүгедектер қоғамы» қоғамдық бірлестігі 50 адамды жұмыспен қамтитын тігін цехын ашты.

«Шебер» тігін цехының басшысы Омар Әсенұлы өз өндіріс орнына 200-ден астам адамды жұмысқа тартуға ниетті екенін атап өтті.

Алдағы уақытта цехты кеңейтіп, құрылысын салуға 200 млн. теңге және цехті құрал жабдықтарын қамтамасыз етуге 150 млн. теңге инвестиция тарту жоспарлануда. Сондай-ақ 2023 жылы тігін цехының негiзiнде тігін кластерін ұйымдастыру көзделіп отыр. Оған қоса «Ауыл аманаты» бағдарламасы аясында 2,5 пайыздық шағын несиемен және 400 айлық есептік көрсеткіш мөлшерінде жаңа бизнес-идеяларды іске асыруға арналған гранттарды беру арқылы 190 адамды жұмыспен қамту межеленген.

Бұдан бөлек Жаушықұм ауылдық округінен құс өсіру бағытында аз қамтамасыз етiлген отбасыларды, көпбалалы отбасыларды, 29 жасқа дейінгі жастарды және елу бес жастан асқан зейнет жасына дейiнгi 55 адамды кәсіби оқытып, жұмыспен қамту жоспарланған.

– Өндіріс орны аяқкиім, киім-кешек және тапсырысқа сәйкес кез келген тауарды тігумен айналысады. Қазақстан бойынша көптеген облыстарды арнайы әскери киім-кешекпен қамтып отырмыз. Бізге Түркия елінен тәжірибелі мамандар келіп, тәжірибе алмасуда.

Түркістан: 19 миллионнан аса сомада кәсіпкердің құқығы қорғалды

Былтыр облыстық кәсіпкерлер палатынысның «Сатып алулар және жергілікті қамту» бөліміне 26 өтініш келіп түсті. Мемлекеттік сатып алу бойынша құқықтық көмек сұрап 14 кәсіпкер өтініш білдірген. Оның ішінде 4 кәсіпкердің өтініші қаралу үстінде, 2 кәсіпкердің өтініші аймақтық тиістілігіне байланысты Ақмола және Шығыс Қазақстан облысы кәсіпкерлер палатасына бағытталып, 2 кәсіпкердің өтініші бойынша жазбаша түсініктеме берілді.

Нақты қаржылай құқықтары қорғалған:

- ЖК Бек-Айша - 457 170 тг

- ЖК Жания - 1 925 000 тг

- Сәулет ПГС ЖШС - 181 000 тг

- Асфальт ЖШС - 16 712 289 тг сомада.

Мемлекеттік сатып алудың жосықсыз өнім берушілер тізіліміне енгізуге талап арыз берілген 3 кәсіпкер қорғалып, мемлекеттік сатып алудың жосықсыз өнім берушілер тізіліміне бұрын енгізіліп кеткен кәсіпкерлер мемлекеттік органдармен құрылған «Келісім комиссиясының» жұмысы аясында қайта шығарылып, өз қызметтерін жалғастырды.

Бөлім өз қызметін жүзеге асыру барысында құқық қорғау саласында даулы жер мәселелеріне байланысты кәсіпкерлердің өтініштері қаралып, нәтижесінде 2 бизнес субъектісіне (Ерсултан-Агро ЖШС және Берен ЖШС) құқықтық көмек көрсетіліп, 6 кәсіпкердің өтініші бойынша жазбаша түсіндірмелер беріліп, 4 кәсіпкердің (Корпорация Береке-А ЖШС, Сити Ойл ЖШС, Бекжанов ЖК, Бекжанова ЖК) битум және дизель отыны тапшылығы өтініштері бойынша күрделі мәселе болғандықтан Орталық аппаратқа жолданып, 1 өтініш Жоғарғы сот сатысында қаралуда. Өз кезегінде ТО кәсіпкерлер палатасымен облыстық тиісті құзырлы органдарға хат жолданған. Сонымен бірге, бөлім өз қызметімен шектелмей, жер мәселелеріне байланысты сараптамалық қорытындылар жүргізетіндігін, квазимемлекеттік сектордағы заңды тұлғалардың құрылуына немесе қосымша қызмет түрлерін қосуға байланысты мәселелерге сараптамалық талдау жүргізетіндігін назарыңызға жеткіземіз.