Тексеру барысында 28 рұқсат етілмеген қоқыс алаңы анықталған. Тек Шымкенттің аумағында қоқыс көлемі 50 мың тоннаны құрайтын рұқсат етілмеген қоқыс полигоны бар болып шықты. Қоршаған ортаға 2 миллиард теңге көлемінде зиян келген. Сонымен қатар, аудандардың бірінің жергілікті атқарушы органы жинау, әкету және кәдеге жарату бойынша тарифтерді бекітпепті.

Сондай-ақ, прокурордың талабы бойынша рұқсат құжаттары тоқтатылған қоқыс өңдеу зауытының жұмыс істеп келгені анықталыпты. Қатты тұрмыстық қатты қалдықтарды жинауға арналған барлық жерлерде экологиялық және санитарлық нормалар сақталмаған көрінеді. Және де бюджет қаражаты тиімсіз жұмсалып келгенге ұқсайды.

Қабылданған шаралар бойынша 53 адам түрлі жауапкершілікке тартылып, 3 млн теңгеден астам әкімшілік айыппұл салынған. Аудит қорытындысы бойынша облыс прокуратурасы уәкілетті органдарға ахуалды жақсарту бойынша нақты тапсырмалар берген.

«AQ-QARA.KZ» – ақпарат»