Түркістан қаласында облыс әкімінің орынбасары М.Мырзалиевтың тапсырмасымен «Бизнесті көлеңкеден шығару, шағын және орта бизнестің өнім шығару көлемін ұлғайту» тақырыбында жиын өтті. Аталған жиынға Түркістан облысының кәсіпкерлік және сауда басқармасы, Түркістан облысы бойынша мемлекеттік кірістер, Статистика, Бәсекелестікті қорғау және дамыту департаменттері, Түркістан облысының кәсіпкерлік палатасы, «Қазақстан Халық Банкі» АҚ, «Қазақтелеком» АҚ, «Қазпочта» АҚ облыстық филиалдарының басшылары қатысты.

Әйелдерге қатысты кемсітушіліктің барлық нысандарын жою туралы конвенция ережесіне сәйкес, жыл сайын 25 қараша күні - Әйелдерге қатысты зорлық-зомбылық көрсетуді жою Халықаралық күні аталып өтіледі. ҚР ІІМ бастамасымен ел аумағында 25 қараша мен 10 желтоқсан аралығында тәртіп сақшылары, жергілікті атқарушы органдар, білім, медицина, еңбек және әлеуметтік қорғау, қоғамдық ұйымдардың қатысуымен «Әйелдерге қатысты зорлық-зомбылықсыз 16 күн» республикалық акциясы өткізілуде.

Тұңғыш Президент күніне орай Түркістан облысы, Келес ауданы, Біртілек ауылдық округінде Р.Әлібекұлы атындағы жалпы орта мектептің ашылу салтанаты өтті.

Түркістан облыстық Полиция департаменті Қазақстан Республикасының Тұңғыш Президенті күніне арналған салтанатты шара өткізді. Жиында полицейлерге Нұрсұлтан Әбішұлы Назарбаевтың өмірі мен қызметі туралы баяндайтын «Елбасы жолы» деректі фильмі көрсетілді.

Тұңғыш Президент күніне арналған игі шаралар легі жалғасуда. Көк байрағымыз биікте желбіреп, Әнұранымыз асқақтап, Елтаңбамыз елдігімізді танытқан мереке Бәйдібек ауданында өтті.

Әрбір салаға өз қызметін ұршықтай иіретін білікті маман керек. Соған сай, жұмыс сапасы да жақсарып, қоғам оң бағытқа өзгеретін болады. Әсіресе, түрлі жат пиғылды ағымдар қаптаған заманда дін қызметкерлерінің аса білімді болуы керек-ақ. Осы мақсатта Түркістанда «Рухани құндылық-ұлт қуаты» атты аймақтық семинар-тренинг өтті.

Облыс әкімі Өмірзақ Шөкеев жиналысты құттықтау сөзбен ашып, қатысушыларға сәттілік тіледі. Мәжілістің күн тәртібінде өңірдегі құрылыс саласы мен Түркістан қаласының дамуы, тұрғын үй құрылысы және экологиялық мәселелер қаралды.

Оқулық жазу оңай шаруа емес екендігі белгілі. Әсіресе, техникалық терминдерді қазақшаға аударып, оны түсінікті тілмен жазып шығу қиынның қиыны. Алайда, Созақ ауданы, «Созақ» мектеп-гимназиясының информатика пәнінің мұғалімі Роман Қадырқұлов бұл іске батыл қадам жасаған. Оның білім берудің жаңартылған мазмұны бойынша 4, 9, 10 сыныптар үшін қазақ тілінде жазған информатика оқулықтары бүгінде бүкіл еліміздің мектептерінде қолдануда.

Табиғаты көркем Төлеби ауданы мемлекет тарапынан қолдау тауып, көркейіп келеді. Әсіресе, инфрақұрылым мәселесі оң шешімін табуда. Леңгірдегі көше бойына жаңа бағаналар орнатылып, жарықтандырылып жатыр. Бұл бағыттағы жұмысты жандандыру үшін аудан бюджетінен қомақты қаржы бөлінген.

Нұрсұлтан қаласынан жолға шыққан желаяқтар Түркістан қаласына келіп жетті. Естеріңізде болса Қарашаның 28-і күні 10 адамнан құрылған марафоншылар «Нұр-Сұлтан – Түркістан» бағытында жолға шыққан еді. Олар бір жарым мыңға жуық шақырым жолды бір аптада жүгіріп өтті.