Төлеби ауданындағы Қасқасу елдімекенінде су жаңа спорт кешені ашылды. «Ауылына қарап, азаматын таны» демекші құны 150 млн. теңге тұратын нысанды жеке кәсіпкер, педагогика ғылымдарының докторы Момбек Қозыбақұлы өз қаржысына салып берді. Заманауи спорт кешені ауыл балаларының бұқаралық спортпен шұғылдануына мол мүмкіндік ашып отыр.

Тұңғыш Президент күні Ордабасы ауданында ауқымда шарамен атап өтілді. Орталықтағы Мәдениет үйіне жиналған қауым еліміздің жетістіктерін елбасының есімімен байланыстырып салиқалы ой қозғады. Айтулы күні еңбекте ерендік танытқандар арнайы төсбелгімен марапатталды.

Ордабасы ауданында бүлдіршіндерді мектепке дейінгі мекемемен қамту деңгейі артты. Бұған «Балапан» бағдарламасы сеп болып отыр. Түңғыш Президент күні мен ауданның 55 жылдығына орай Мақташы ауылында жаңа балабақша пайдалануға берілді.Мемлекеттік жеке меншік әріптестік аясында бой түзген ғимарат 200 орынға лайықталған.

Түркістанда «Nur Оtan» партиясы мүшелерінің саны 1500 адамға артты. Тұңғыш Президент күні бас партия құрамына облыс көлемінде осыншама азамат қабылданды. Олардың ішінде ақапарат, мәдениет, спорт саласында жетістікке жеткен танымал тұлғалар да бар.

Төлеби ауданы Леңгір қаласындағы 13 көпқабатты тұрғын үй орталықтандырылған жылу жүйесіне қосылған. Жылу маусымы басталғалы бұқараның коммуналдық шаруашылық саласының мамандарына айтар алғысы шексіз. Таулы аймақ тұрғындарының жаурамасы үшін қызметкерлердің қам-қарекеті ширақ.

Түркістан облысындағы ең шалғай орналасқан Шардара ауданында елдімекендерді газдандыру ісі жүйелі жүргізіліп жатыр. Соның нәтижесінде орталықтан жырақта жатқан 5 бірдей ауыл жыл соңына дейін көгілдір отынға қосылмақ. Осылайша шағалалы өңірде Жолдауда айтылған әлеуеметтің әлеуетін көтеру мәселесі оңды шешімін тауып отыр.

1 желтоқсан – Тұңғыш Президент күні еліміздің барлық өңірлерінде атап өтіліп жатқаны көпшлікке мәлім. Бұл меркені атап өтуде Түркістан облысына қарасты Созақ ауданы да шет қалған жоқ.

Тәуелсіз Қазақстанның халықаралық аренада ойып тұрып орын алуына Елбасы Нұрсұлтан Назарбаев өлшеусіз үлес қосып келеді. Экономикалық, саяси және әлеуметтік реформалары халықаралық сарапшылар тарапынан жоғары бағаланды. Бүгінде бүкіл әлем Қазақ елін танып, оның бастамаларына қолдау көрсетіп келеді. Мақтаарал ауданы Мырзакентте ұйымдастырылған Тұңғыш Президент күнінде зиялы қауым өкілдері осылай деді.

«EGOV MOBILE» мобильді қосымшасы арқылы қажетті қызметтің 28 түрін үйде жатып алуға болады. Мемлекеттік қызмет көрсету сапасын арттыру мақсатында Ордабасы ауданынының ХҚКО мамандары халыққа түсініктеме жұмыстарын жүргізуде. «Ашық мемлекет» атты көрсетілетін қызметтердің жобасы насихатталды.

Бүгінде Мақтаарал ауданындағы 69 елдімекеннің 30-ы толықтай көгілдір отынмен қамтылған. Барлық ауыл орталықтандырылған электр жүйесіне қосылған. Бұл жайында Аудандық тұрғын үй – коммуналдық, шаруашылық, жолаушылар көлігі және автомобиль жолдары бөлімі басшысы Ғабит Полатов мәлімдеді. Жиынға «Nur Otan» партиясы Мақтаарал аудандық филиалы жетекшілік етті.