Шымкентте қыс мезгіліне авариялық-құтқару және қалалық жол қызметі техникаларының дайындығы пысықталды. Биыл шаһар тазалығы үшін 20 жаңа техника сатып алыныпты. Шараға қала әкімінің орынбасары Бұхарбай Парманов келіп, жауапты мекемелердің қысқа əзірлік жұмыстарымен танысты.
Шымкент қаласы әкімдігінің «Өмірлік қиын жағдайға түскен адамдарды әлеуметтік бейімдеу орталығы» коммуналдық мемлекеттік мекемесіне белгілі тұрғылықты жері жоқ адамдар және бас бостандығынан айыру орындарынан босатылған және пробация қызметінде есепте тұрған азаматтар қабылданады. 2019 жылдың басынан бүгінгі күнге дейін түзеу мекемелерінен 235 хабарлама хат келіп түскен, анықтау жұмыстарының жүргізілу нәтижесінде 33 азаматтың түзеу мекемесінен босатылмағаны анықталды. Бұл туралы қаланың Жұмыспен қамту және әлеуметтік қорғау басқармасы мамандары хабарлады.
Шымкент қаласында жылыту маусымы басталғалы орталық қазандықтан жылытылатын 1889 көпқабатты үйлердің 95 пайызы, 400 — ден астам бюджеттік мекемелер жылуға 100 пайыз қосылды.
Шымкент қаласында «Бастау бизнес» жобасының 3-ші кезеңіне тіркелу басталды. Осыған орай, Шымкент қаласының кәсіпкерлер палатасы арнайы конференция өткізді. Жиын барысында, алдыңғы екі кезеңде оқудан өткен жас кәсіпкерлердің аяқ алысы мен гранттарды игеру әңгіме болды.
«Отау групп» компаниясы салған «Роял Апартменс» бизнес класс санатындағы нысандар қаладағы Қонаев даңғылының бойынан орналасқан. 12 қабатты зәулім үйлердің жертөлесінде автотұрағы мен балалар алаңшасы бар. Бассейндері тіпті ерекше. Бір сөзбен айтқанда ғимаратта тұрғындар үшін барлық жағдай жасалған.
Шымкент қаласының бюджетіне бірқатар өзгерістер мен толықтырулар енгізілді. Республикалық бюджеттен бөлінген 22 млрд теңгеден астам қаражатты бүгін қалалық мәслихаттың депутатары салаларға бөлді. Қалалық мәслихаттың кезектен тыс 57 сессиясында бюджетте біраз өзгерістер орын алды.
«3-Энергоорталық» Акционерлік Қоғамы әзірге 3 жылу қазандығының 1-уін ғана іске қосып отыр. Өйткені, биылғы күз жылдағыдан едәуір жылы. Алайда мамандар тұрғындардың жылу үшін берешегі азаймай отырғанын алға тартады. Қарыз - 200 млн-нан асып отыр. Қыс ауасында болатын қиындықтарды болдырмау үшін борышкерлермен түсіндіру жұмыстарын да жүргізіпті.
Шымкент қаласында «Достық дастарханы» жайылып, палау фестивалі болып өтті. Дәстүрлі шараны қалалық Қазақстан өзбектері этномәдени бірлестігі ұйымдастырып, Қазақстан халқы Ассамблеясы қолдау білдіргенін айта кетейік.