Түркістан облысында өткен «AltynKuz-2019» ауыл шаруашылығы қызметкерлерінің мерекесі аясында Төлеби ауданы биыл да мақсары өндіруден озат аудан атанды. Ағымдағы жылы ауданда мақсары дақылы 12900,7 гектарға егіліп, шаруалар ұзын-ырғасы 16130,2 тонна өнім алған.
Мемлекет басшысы Қасым-Жомарт Кемелұлы Тоқаев ағымдағы жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауында «Халық үніне құлақ асатын мемлекет» тұжырымдамасына ерекше назар аударды. Ондағы басты мақсат халықпен тікелей қатынас орнату болып табылады. Осыған байланысты мемлекеттік органдарда Республикалық бірыңғай азаматтарды қабылдау күнін (ашық есік күнін) биыл 21 қарашада өткізу жоспарланды.
Нұр-Сұлтан қаласында өткен еліміздің техникалық және кәсіптік білім беру саласының әлеуетін көрсететін «WorldSkillsKazakhstan-2019» V республикалық чемпионаты өз мәресіне жетті. Байқаудың мақсаты – жастарға кәсіптік бағдар беру, ел экономикасын дамыту барысында бәсекеге қабілетті мамандарды даярлау, сарапшылар қауымдастығын құру және халықаралық стандарттар негізінде техникалық мамандықтар бойынша өндіріс орындары саласын жоғары технологиялық мамандармен қамтамасыз ету механизмін құру.
Бұл туралы Түркістан облысы әкімдігінде өткен аппараттық мәжілісте айтылды. Облыс әкімінің бірінші орынбасары Қосман Айтмұхаметовтың төрағалық етуімен өткен жиында 2019-2020 жылдардағы жылыту маусымының өту барысы мен облыс бюджетін игеру, өңірдің экологиялық жағдайын жақсарту, «көгілдір отынмен» қамтамасыз ету, қоршаған ортаны көгалдандыру секілді бірқатар өзекті мәселелер талқыланды.
Түркістан облысының қоғамдық-саяси тарихы архивінің басшысы Гүлнәр Шардарбекова және бірнеше мұрағатшы Мақтаарал ауданына іссапарлап қайтты. Іссапар барысында Мақтаарал ауданының құрметті азаматы, Социалистік Еңбек Ері, агротехник Нұрмұхамед Есентаевтың 110 жылдық мерейтойына орай салтанатты іс-шарасы өтті.
Қазығұрт ауданы прокуроры Б.Қорғанбаевтың үйлестіруімен 2019 жылдың 10 айында аудан аумағында әкімшілік айыппұлдарды өндіру жағдайы бойынша Қазығұрт аудандық ПБ, Төтенше жағдайлар бөлімі, аудандық мемлекеттік кірістер басқармасы, аудандық әділет басқармасы, аудандық тауарлар мен көрсетілетін қызметтердің сапасы мен қауіпсіздігін бақылау басқармасы және аудандық ветеринария бөлімі босшыларының қатысуымен мәжіліс өткізілді.
Кентау қаласында қараша айының 14-17 күндері аралығында "Б.Саттарханов" атындағы БЖСМ спорт залында грек-рим күресінен 2005-2007, 2008-2010 жылдары туған жасөспірімдер арасында спорт ардагері, "ҚР Дене шынықтыру мен спортқа еңбегі сіңген" медалінің иегері, ҚР Жазушылар одағының мүшесі Есқара Тоқтасынұлының құрметіне арналған Кентау қаласының дәстүрлі V ашық біріншілігі өтті.
Келес ауданы әкімдігіне қарасты ішкі саясат, мәдениет және тілдерді дамыту бөлімінің 2019 жылдың 9 айында атқарған жұмыстарының есебі тыңдалып, бөлім басшысының міндетін атқарушы Ербол Назаров баяндама жасады. Жалпы Ішкі саясат, мәдениет және тілдерді дамыту бөліміне қарасты мекемелер саны 44 құраса, оның ішінде аудандық мәдениет үйі, жастар ресурстық орталығы, аудандық тілдерді оқыту және дамыту орталығы, ауылдық мәдениет үйілерінің саны – 5, ауылдық клубтар – 10, кітапханалар – 24 және саябақтар саны екіні құрайды.
Елімізде салық төлеушілерді бір жүйе бойынша жалпы тізімге ендіру қажет. Сонда қазынаға түсетін қаржы көлемі ұлғаяды. Ол үшін барлық жеке кәсіпкерлер фискалды чек беретін құрылғыны сатып алулары керек. Түркістан облыстық мемлекеттік кірістер департаменті осы мақсатта облыс базарларында ашық есік күнін өткізуде. Кезекті шара Түркістандағы «Қуаныш» базарында өтті.
Түркістан облысы Төтенше жағдайдайлар департаментінің жобасына сәйкес, облыс бойынша аудандарға улы газ датчиктерін орнату бойынша жұмыстар жүргізілуде. Бүгінгі таңда Келес ауданы бойынша барлық ауылдық округтерінің аз қамтамасыз етілген отбасылар, көп балалы отбасылар, мүмкіндігі шектеулі азаматтар және жалғыз тұратын зейнеткерлердің тұрғын үйлеріне орнату үшін улы газ датчиктерін тегін тапсырады.