«Түркістан – адалдық алаңы» жобалық кеңсесінің «Сапалы жол - Адалдық алаңы» аясында Төлеби ауданына қарасты Ленгір қаласындағы аудандық маңызы бар КХТЛ-33 «КХТЛ-31-КХ35- Ақайдар Екпінді» көшесі және КХТЛ-31 «Ленгер КХ-82 Шымкент - Сайрам - Қасқасу - Шымкент» көшелерінде жалпы ұзындығы 9,3 шақырым болатын жолдан сынама алынып, мемлекет бюджеті есебінен салынған жолдардың сапасы тексерілді.

Түркістан облысы, Мақтаарал ауданында «Дәстүрлі құндылықтар керуені» тақырыбындағы көшпелі жиын ұйымдастырылды. Тұрғындардың мәдени және рухани сезімдерін қалыптастыру, деструктивті діни ағым жақтастарын қазақстандық қоғам құндылықтарына бейімдеу, мемлекет пен дін арақатынасындағы зайырлылық ұстанымы бойынша халықты ақпараттандыру – дәстүрлі құндылықтар керуенінің басты мақсаты.

«Түркістан - адалдық алаңы» Жобалық кеңсесінің бастамасымен облыстағы барлық кәсіптік-техникалық білім беру ұйымдарында дін өкілдерінің қатысуымен «Пара- нәсіп болмайды» тақырыбында келелі кездесулер өтті. Жиынның негізгі мақсаты – өскелең жастардың бойына адалдық, парасаттылық, әділдік құндылықтарын дәріптеу және діни тұрғыдан әлеуметтік дерттің зардаптарын түсіндіру.

«Азаматтарға арналған үкімет» мемлекеттік корпорациясы жас босанған аналар арасында жүргізілген «Цифрлы сәби» байқауының жеңімпаздарын анықтады. Байқауға бала тууына байланысты берілетін жәрдемақыны egov.kz порталы арқылы онлайн рәсімдеп, ол туралы әлеуметтік желіде жазба жазған 50 ана қатысты.

«Денсаулық» медициналық пойызы Түркістан облысының 18 шалғай станция тұрғындарына тегін медициналық көмек көрсетіп, бірқатар созылмалы ауруларды анықтады. Консультациялық-диагностикалық пойыз мамандары Қазақстанның әр аймағында спецификалық проблемалы аймақтарды анықтап жатыр. Осылайша, Түркістан облысының тұрғындары арасында жүрек-қан тамырларының созылмалы аурулары, остеохондроз,жарақаттан кейінгі энцефалопатиялар сияқты аурулар жиі кездесіп, сондай-ақ, әртүрлі дәрежедегі көру қабілеті бұзылған емделушілердің үлкен пайызы байқалған.

Бұл туралы Түркістан облысының әкімі Өмірзақ Шөкеевтің басшылығымен өткен аппарат мәжілісінде айтылды.

Түркістан облысында мемлекеттік мекемелерді трансформациялаудың табысты тәжірибесі қолданылып, мемлекет бюджетінен жалпы соммасы 454 млн 296 мың теңге үнемделіп отыр.

Түркістан қаласында «Тайқазанның» 620-жылдығына орай «Тайқазан» гастрономиялық фестивалі ұйымдастырылды. Түркістан облысы туризм басқармасының «Turkistan Tourism Center» туристік ақпараттық орталығының ұйымдастыруымен «Тайқазанның 620 жылдығына» орай «Тайқазан» гастрономиялық фестивалінде аспазшылар өз өнерлерін көрсетті.

Түркістан қаласында облыс әкімінің орынбасары М.Мырзалиевтың тапсырмасымен «Бизнесті көлеңкеден шығару, шағын және орта бизнестің өнім шығару көлемін ұлғайту» тақырыбында жиын өтті. Аталған жиынға Түркістан облысының кәсіпкерлік және сауда басқармасы, Түркістан облысы бойынша мемлекеттік кірістер, Статистика, Бәсекелестікті қорғау және дамыту департаменттері, Түркістан облысының кәсіпкерлік палатасы, «Қазақстан Халық Банкі» АҚ, «Қазақтелеком» АҚ, «Қазпочта» АҚ облыстық филиалдарының басшылары қатысты.

Әйелдерге қатысты кемсітушіліктің барлық нысандарын жою туралы конвенция ережесіне сәйкес, жыл сайын 25 қараша күні - Әйелдерге қатысты зорлық-зомбылық көрсетуді жою Халықаралық күні аталып өтіледі. ҚР ІІМ бастамасымен ел аумағында 25 қараша мен 10 желтоқсан аралығында тәртіп сақшылары, жергілікті атқарушы органдар, білім, медицина, еңбек және әлеуметтік қорғау, қоғамдық ұйымдардың қатысуымен «Әйелдерге қатысты зорлық-зомбылықсыз 16 күн» республикалық акциясы өткізілуде.