ҚР ІІМ-нің 2022 жылға арналған кешенді жоспарын іске асыру бойынша Түркістан облысы ПД Экстремизмге қарсы іс-қимыл басқармасының қызметкерлері әлеуметтік желілерге мониторинг жүргізді. Яғни түркістандық полицейлер жедел-профилактикалық іс-шара өткізу кезінде, «Ватцап» мессенджерінде діни сипаттағы сабақтар өткізу туралы хабарландырудың жарияланғанын анықтады.

Тексеру барысында полицейлер бұл "бизнес-аккаунт" діни бағыттағы онлайн-оқыту жүргізетін Кентау қаласының тұрғынына тиесілі екенін, оның заңсыз миссионерлік қызметпен айналысатынын білді.

Аталған жайт ҚР ӘҚБтК-нің 490-бабымен "Қазақстан Республикасының Діни қызмет және діни бірлестіктер туралы заңнамасын бұзу" тіркеліп, әкімшілік хаттама толтырылды. Тәртіп бұзушыны әкімшілік жауапкершілікке тарту үшін жинақталған іс құжаттар Кентау қалалық сотына жолданды.

Жалпы жыл басынан бері Түркістан облысы ПД Экстремизмге қарсы іс-қимыл басқармасының қырағы қызметкерлерімен деструктивті діни ағымдардың жақтаушыларына қатысты 375 әкімшілік хаттама толтырылса, оның 10-ы діни сипаттағы құқықбұзушылықтар. Анықталғандарға әкімшілік айыппұл салынып, жауапкершілігі қаралған.

Өз кезегінде Түркістан облысының полицейлері азаматтарды Қазақстан Республикасының заңнамасын сақтауға шақырады. Егер де сіз осыған ұқсас құқықбұзушылық туралы қандай да бір ақпарат білсеңіз, дереу полицияның 102 нөміріне хабарласыңыз.

"AQ-QARA.KZ"-ақпарат

Түркістан облысы ПД Есірткі қылмысына қарсы іс-қимыл басқармасының қызметкерлері облыс әкімдігімен бірлесе отырып, "Есірткісіз болашақ" тақырыбында ауқымы кең акция ұйымдастырды. Іс-шараға облыс әкімінің орынбасары Сәкен Қалқаманов, Түркістан облысы ПД бастығының орынбасары полиция полковнигі Құрманбек Сахов пен жеке құрам, Түркістан облысының білім, ішкі саясат, ақпараттандыру өкілдері және жастар қатысты. 

Облыс орталығында өткен іс-шараның мақсаты-халықаралық есірткіге қарсы акция өткізу, жас ұрпақты есірткі мен психотроптық заттарды қолданудың зияны туралы хабардар ету, салауатты өмір салтын насихаттау және рухани-адамгершілік құндылықтарды жаңғырту. Өскелең ұрпақты спортпен және туризммен белсенді айналысуға шақыру, сондай-ақ жастардың санасында есірткіге қарсы иммунитетті қалыптастыру. Жиынды облыс әкімінің орынбасары С.Қалқаманов ашып беріп, жастарға мықты денсаулық пен сәттілік тіледі. 

Акцияда Қ.Сахов та сөз сөйлеп: "Мемлекет басшысы Қасым-Жомарт Тоқаев жастар мәселелеріне көп көңіл бөледі. Соның ішінде біздің тарапымыздан есірткіге қарсы іс-шараларды үнемі өткізіп отырамыз. Жастарды салауатты өмір салтын ұстануға шақырамыз. Болашақ-сіздердің қолдарыңызда! Сол себепті тек жақсылық әрекеттерге, жарқын болашаққа ұмтылайық!"-деді. Одан әрі акцияға қатысушылар таңертеңгілік жаттығулар өткізіп, салауатты өмір салтын және есірткіні қолданудың зияны туралы ұрандармен "Есірткісіз болашақ" атты флешмоб ұйымдастырды. Содан кейін спортшы-велосипедшілер Қазақстан Республикасының Мемлекеттік Туын орталық стадионға салтанатты түрде алып шықты. Мұнда іс-шара би ұжымдарының, каратэшілердің, боксшылардың, балуандардың және басқа да балалар спорт және көркемөнер ұжымдарының салауатты өмір салтына арналған қойылымдарымен жалғасты. Концерттік бағдарламамен облыс орталығының эстрада әншілері де өнер көрсетті. 

Өз кезегінде, жедел әрекет ету арнайы жасағының қызметкерлері өздерінің шеберліктері мен жауынгерлік дағдыларын көрсетті, ал кинологиялық қызметтің кинологтары қызметтік-іздестіру иттерінің өнерін көрсетті. Сондай-ақ полицейлер жастарға есірткі заттарын қолданудың зияны және есірткіге байланысты қылмыстардың салдары туралы айтты. 

Акция соңында Түркістан облысының полицейлері жасөспірімдерді спортпен шұғылдануға шақырып, естелік суретке түсті.

"AQ-QARA.KZ"-ақпарат

Түркістан облысының әкімдігі мен «Түркістан – адалдық алаңы» жобалық кеңсесінің ұйымдастыруымен облысқа қарасты квазимемлекеттік сектор ұйымдарында тағайындалған комплаенс офицерлерге әдістемелік оқыту семинары өтті. Семинарда «Үлгілі базалық бағыт-4» жобасының «Квазимемлекеттік секторда сыбайлас жемқорлық тәуекелдерінің алдын алу» бағыты бойынша кеңес берілді.

Оқыту жиынына ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаментінің превенция басқармасының басшысы Е.Жүнісов, ҚР Президентінің жанындағы Мемлекеттік басқару академиясының Түркістан облысы бойынша филиалының директоры А.Идрисова, «Түркістан – адалдық алаңы» жобалық кеңсесінің менеджерлері мен облыс аумағындағы жалпы саны 43 квазимемлекеттік сектор субъектілерінде адалдық стандарттарын қамтамасыз етуге жауапты 43 комплаенс офицер қатысты.

Семинарда Түркістан облысы әкімі аппараты мемлекеттік құқықтық бөлімінің бас инспекторы Бауыржан Досжанов «Үлгілі жобалық бағыт-4» жобасының негізгі бағыттары мен жобаның Түркістан облысында жүзеге асырылу барысына тоқталса, Білім беру бағдарламаларын іске асыру және ілгерілету кабинетінің меңгерушісі Алия Ахметова «Сыбайлас жемқорлыққа қарсы комплаенс ISO 37001 халықаралық стандарты» тақырыбы аясында ақпарат берді.

«Түркістан – адалдық алаңы» жобалық кеңсесінің жетекшісі Нұржахан Абуова комплаенс офицерлерді сыбайлас жемқорлық тәуекелдеріне жүргізілетін ішкі талдаудың қағидасымен жіті таныстырып, оларға ҚР Сыбайлас жемқорлыққа қарсы іс-қимыл туралы заңнамасын сақтауын қамтамасыз ету, сыбайлас жемқорлық тәуекелдерін анықтау, мүдделер қақтығысын болдырмау, ұйым қызметінің жемқорлыққа қарсы стандарттарға сәйкестігін қамтамасыз ету міндеттерін түсіндірді.

– Сіздерге жауапты қызмет жүктеліп отыр. Әрбір квазимемлекеттік сектор ұйымдарында тағайындалған жауапты комплаенс мамандар бұдан былай мекеме ішінде сыбайлас жемқорлық тәуекелдеріне ішкі талдау жүргізіп, тәуекелдердің алдын алу бойынша жүйелі жұмыстар атқаратын болады, – деп қорытындылады Ержан Жүнісов.

"AQ-QARA.KZ"-ақпарат

Түркістан облысының полицейлері заңсыз көші-қон желілерінің алдын-алу және оларды ұйымдастырушыларды анықтау мақсатында қарқынды түрде жұмыс істеп келеді. Сондай-ақ облыс аумағында жүрген шетелдіктер және азаматтығы жоқ адамдарды Қазақстан Республикасының халықтың көші-қоны саласындағы заңнамасының сақталуын қамтамасыз ету де күн тәртібінен түскен емес. Атап айтсақ тәртіп сақшылары рейдтік-профилактикалық іс-шараларды үнемі ұйымдастырып, тексеру жұмыстарын жүргізуде.

Кезекті рейд кезінде Арыс, Сарыағаш және Отырар аудандарының аумақтарында далалы жерлерде өсетін емдік қасиеті өте жоғары дәрілік «кеурек» (ферула) шөбін заңсыз қазғандар ұсталды.

Толығырақ айтар болсақ, Отырар ауданында 33 (Тәжікстан) және Арыс ауданында 101 (Өзбекстан) заңсыз жұмыс істеп жүрген шетелдік анықталды. Олар ҚР ӘҚБтК-нің 517-бабының 5-бөлігімен «Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы» бойынша жауапқа тартылып, 100-ден астам шетелдік әкімшілік қамауға алынды.

Сонымен қатар «Кеурек» шөбін қазуға заңсыз шетелдік жұмыс күшін тартқан Қазақстан Республикасының 2 азаматы анықталып, оларға ҚР ӘҚБтК-нің 519-бабымен «Шетелдiк жұмыс күшiн және еңбекшi көшiп келушілерді Қазақстан Республикасының заңнамасын бұза отырып тарту» бойынша хаттама түзілді.

Айта кетейік, Түркістан облысының полицейлері тек орын алған құқықбұзушылықты анықтап қана қоймай, шетел азаматтары және жұмыс берушілермен профилактикалық түсіндіру жұмыстарын жүргізді, көші-қон қызметі туралы заңдылықтарды сақтау бойынша ескерту жасалды. Түркістан облысының полицейлері бұл бағыттағы жұмыстарды алдағы уақытта да жалғастырады.

"AQ-QARA.KZ"-ақпарат

Шымкентте қазақша күрестен «Шымкентбарысы» республикалық турнирінің іріктеу кезеңі басталды. Шара «Қала күніне» орай ұйымдастырылып отыр. Белдесуде 90 келіден астам салмақ дәрежесінде 26 балуан күш сынасады.

Жарыс Қажымұқан Мұңайтпасұлы атындағы орталық стадионның жеңілатлетикалық аренасында өтуде. Турнирдің ашылу салтанатына қатысқан қала әкімі Мұрат Әйтенов балуандарға сәттілік тіледі.

“Ұлттық спорт түрлері ата-бабаларымыздан кележатқан асылмұрамыз. Біз оны көзіміздің қарашығындай сақтап, дамытуымыз керек. Бұл бағыттағы жұмыстарымыз аз емес. Оның айғағы ретінде қазақ күресінен Әлемдік деңгейде биік тұғырлардан көрінген, Әлем Чемпионатының жеңімпазы, Әлем Барысының күміс жүлдегері, Евразия Барысының жеңімпазы - Ерсұлтан Мұзаппаров және Әлем Чемпионатының жеңімпазы, Азия Чемпионатының үш дүркін жеңімпазы - Әділжан Истабаевты айтып өтуге болады. Бүгінгі жарыс барысын да балуандарға сәттілік тілеймін, -деді қала әкімі М.Әйтенов.

Жарысқа Әлем және Азия Чемпионатының жүлдегерлері, халықаралық дәрежедегі спорт шеберлері, спорт шеберіне үміткерлер қатысуда.

Айтулы спорт додасын Б.Нарымбетов бастаған қала мәслихатының депутаттары, Майра Мұхамедқызы, Мұхтархан Ділдәбеков тамашалауда.

Қазіргі таңда қаланың 4 спортмектебінде қазақ күресімен 466 спортшы кәсібитүрде шұғылдануда. «Шымкент барысы» іріктеу турнирінде палуандар 30 белдесу өткізеді. Ақтықсында 1-2 орыналған 2 балуан шілде айында еластанасы Нұр-Сұлтан қаласында өтетін «Қазақстан барысы» республикалық жарысында Шымкенттің намысын қорғайтын болады.

Одан бөлек, боз кілемде кіл мықтыны саралаған бәсекеде жеңімпаздарға «Шымкент барысы» белбеуі мен қомақты жүлде қоры тағайындалған.

 Айта кетейік, жарыс қорытындысыбойынша 1 орын иегеріне «Нексиа» автокөлігі, 2 орынға 500 000, 3 орынға 300 мыңтеңгеа қшалайсыйлық беру доспарда бар.

"AQ-QARA.KZ"-ақпарат

Бұған дейін де облыста қайырымдылық, қоғамдық шаралардан қалыс қалмайтын Түркістан облысы Полиция департаментінің қызметкерлері тағы бір сауапты іске мұрындық болды. Өйткені әлеуметтік қолдауды қажет ететін отбасыларға қолдау білдіру азаматтық парыз болып табылады.

Аталмыш қайырлы істі Қазығұрт АПБ бастығының бірінші орынбасары полиция подполковнигі Мадияр Алтынбеков, кадр саясаты жөніндегі орынбасары полиция полковнигі Бауыржан Алдабергенов, кадр саясаты тобының инспекторы полиция аға лейтенанты Нұрсұлтан Турекуловтар ұйымдастырып, жеке құрам атынан қайырымдылық жасады. Яғни 5 баланы жалғыз өзі өсіріп отырған жалғызбасты ананың отбасын қуантты. Сонымен қатар күйеуі ІІ-топ мүгедегі, жалдамалы пәтерде тұратын жанұяға барды. Екі отбасыға арнап, 1 бас қойды сойып, етін жеткізіп берді.

Өз кезегінде жақсылық жасаудан жарысып, нағыз жомарттық танытқан азаматтарға көпшілік мол сауапқа кенелуді тіледі. Полицейлердің жұмыстарына табыс, отбасыларына амандық тілей отырып, ақ баталарын берді.

"AQ-QARA.KZ"-ақпарат

 Қазақстан бойынша  алғаш рет Түркі тілдес халықтарының арасында грэпплинг сайысынан халықаралық турнир Түркістан қаласында  ұйымдастырылды. Түркі халықтарының рухани астанасына айналған киелі шаһарда өткен сайыста Түркістан облысы Полиция департаменті Оқу-жаттығу взводының инспекторлары да өз бақтарын сынады.

 Аталған турнирге түркістандық сақшылардан  іріктеліп алынған, тәжірибелі күресшілер қатысты. Түркі тілдес 7 мемлекеттен 300-ден астам спортшы сынға түскен байрақты бәсекеде полицейлер  жеңіс тұғырынан көрініп, 2 бірдей алтын медалді иеленді. Атап айтсақ, 83 кг салмақта сайысқа түскен Әлем чемпионатының күміс жүлдегері, Халықаралық дәрежедегі спорт шебері, полиция капитаны  Жәнібек Айдарбек пен 91 кг салмақта белдескен полиция аға лейтенанты Жолдасбек Ануаров бір-бір алтынды қанжығасына байлады.

Бұдан бөлек қандай сайыс болса да өзінің әмбебаптығын танытып жүрген Жәнібек Айдарбек  Өзбекстан Республикасы Ташкент қаласында «Әмбебап жекпе-жек» спорт түрінен өткен Әлем чемпионатының да  күміс жүлдегері атанған болатын. Әлемнің 40-тан астам елінен 700-ге тарта жекпе-жек шеберлері қатысқан бәсекеде топ жарған полиция капитаны елге жүлдемен оралған соң, оған Қазақстан Республикасының халықаралық дәрежедегі спорт шебері атағы беріліп, Түркістан облысы әкімінің арнайы алғыс хаты табысталды.

"AQ-QARA.KZ"-ақпарат

Естеріңізге сала кетейік, ағымдағы жылдың 1 маусымы мен 31 қазаны аралығында Түркістан облысының аумағында полиция қызметкерлері "Қарасора-2022" жедел-профилактикалық іс-шарасын өткізуде. Оның мақсаты есірткі құралдары мен психотроптық заттардың заңсыз айналымы деректерін анықтау, есірткіні жеткізу арналарын жабу және құрамында есірткісі бар өсімдіктерді өсіру және дайындау фактілерінің жолын кесу болып табылады.

Аталған жедел-профилактикалық іс-шарасы аясында Түркістан облысы ПД Есірткі қылмысына қарсы іс-қимыл басқармасының қызметкерлері мен Сарыағаш ауданының полицейлері бірлесіп, ауыл тұрғындарының бірінің үйіндегі ірі есірткі егістігін жойды. Толығырақ айтсақ, кезекші бөлімге тұрғындардың бірі құрамында есірткісі бар өсімдіктерді заңсыз өсірумен айналысады деген хабарлама келіп түсті.

Ақпарат алысымен полиция қызметкерлері жедел-іздестіру іс-шараларын жүргізді. Нәтижесінде күдіктінің мекенжайы анықталды. Жедел уәкілдер тінту кезінде оның ауласынан 2400 түп есірткіге ұқсас өсімдікті айғақты зат ретінде алып, сараптамаға жіберді. Зерттеу қорытындысына сәйкес ол, жалпы салмағы 47 келі болатын «көкнар» болып шықты.

Қазіргі уақытта аталған жайт ҚР ҚК 300-бабымен "Құрамында есірткі заттары бар, өсіруге тыйым салынған өсімдіктерді заңсыз өсіру" тіркеліп, сотқа дейінгі тергеу жұмыстары жүргізілуде. Тергеу істің толық мән-жайын және күдіктінің үйде есірткі заттарын қандай мақсатта өсіргенін анықтайды.

Өз кезегінде Түркістан облысының полицейлері азаматтарға есірткі заттарын заңсыз сақтағаны және өткізгені, сондай-ақ құрамында есірткі бар өсімдіктерді заңсыз өсіргені үшін қылмыстық жауапкершілік қарастырылғанын ескертеді. Егер де, сіз, есірткінің заңсыз айналымына байланысты қылмыстардың куәсі болсаңыз немесе осындай жайттар туралы қандай да бір ақпарат болса, дереу полицияға 102 нөміріне хабарласыңыз.

"AQ-QARA.KZ"-ақпарат

Сарыағаш аудандық полиция бөліміне бірнеше жергілікті тұрғын арызданып, алаяқтықтың құрбаны болғандығын жеткізді. Олардың айтуынша, сырттай таныс әйел «мемлекет тарапынан кәсіпкерлерге қайтарымсыз 5 миллион теңге алып беремін» деп сеніміне кіріп, әрқайсысынан 300 000 теңгеден алған. Аталған жайт сотқа дейінгі тергеп-тексерудің бірыңғай тізіліміне енгізіліп, ҚР ҚК-нің 190-бабы "Алаяқтық " бойынша тіркелді.

Хабар алысымен сарыағаштық полицейлер жедел әрекет етіп, тұрғындарды алдап, ақшасын алып кеткен күдіктіні қолға түсіру бағытында қарқынды іздестіру шараларын жүргізді. Алаяқтық қылмысын ашу мақсатында жәбірленушілерден нақты мәліметтер алды. Келіп түскен ақпарат көздері арқылы тұрғындарды алдаған екі бірдей әйел екені анықталды. Олардың жеке-бастары анықталып, тұрғылықты мекенжайынан ұсталды. Күдіктінің бірі жергілікті тұрғын болса, екіншісі Алматы облысының тұрғыны болып шықты.  Анықталғандай, күдікті екеу мемлекеттен қайтарымсыз ақша алып береміз деп, таныстарының әрқайсысынан 300 000 теңгеден алып, бас пайдаларына жаратып жіберген. Полицейлер осы қылмыстық істі соңына жеткізу үшін, жан-жақты тексеру жұмыстарын жүргізді. Нақты дәлелдерді келтіре отырып, іс-құжаттарын жинақтады. Осылайша екі әйел 20-дан астам жәбірленушілерден 6,5 миллионнан астам ақша алған. Жинақталған құжаттар заңды шешім қабылдау үшін сотқа жолданды. Бүгінде Сарыағаш аудандық сотының шешімімен 37 және 32  жастағы жұмыссыз әйелдер ҚР ҚК-нің 190-бабы «Алаяқтық» бойынша кінәлі деп танылып, 3 жыл мерзімге бас бостандықтарынан айырылды.

Бүгінгі таңда, мемлекеттік жеңілдетілген жәрдемақыларды алып беремін деп алаяқтық жолмен азаматтарды алдап, сенімге кіріп, соңында полицейлердің көмегіне жүгініп жатқандар көбеюде. Сондықтан, Түркістан облысы Полиция департаментінің полицейлері мүмкіндігінше сақ болып, кез-келген адамға артық сенім білдірмеу керектігін айтады. Егер де, сіз, осындай қылмыстардың куәсі немесе құрбаны болсаңыз, онда міндетті түрде полицияның жедел желісіне хабарласыңыз.

"AQ-QARA.KZ"-ақпарат

Түркістан облысының полицейлері заңсыз көші-қон желілерінің алдын-алу және оларды ұйымдастырушыларды анықтау мақсатында қарқынды қызмет етіп келеді. Сондай-ақ облыс аумағында жүрген шетелдіктер және азаматтығы жоқ адамдардың көші-қон саласындағы заңнаманы сақталуы қатаң қадағалауға алынған. Осындай кезекті тексеріс кезінде елде заңсыз жүргендер анықталды. Нақтырақ айтсақ, Түркістан облысы ПД Көші-қон қызметі тобы мен Ордабасы ауданының тәртіп сақшылары, Қайнар ауылының Оңтүстік беткейінде орналасқан тауық фермасының аумағында тиісті құжаттары болмаған 38 Тәжікстан Республикасының азаматтарын анықтады. Тексеру барысында аталған ферманың егесі шетелдіктерді Арыс ауданы аумағында кеурек өсімдігін теру үшін алып келіп, осында жұмыс күтіп жатқандығы белгілі болды. Қазақстандық шаруашылық егесіне қатысты ҚР ӘҚБтК-нің 518-бабының 2-бөлігімен "Шетелдiктерді және азаматтығы жоқ адамдарды қабылдайтын жеке немесе заңды тұлғалардың Қазақстан Республикасының халықтың көші-қоны саласындағы заңнамасын бұзуы" әкімшілік хаттама толтырылды.  Сонымен қатар 38 Тәжікстан Республикасының азаматтарына қатысты ҚР ӘҚБтК-нің 517-бабының 5-бөлігі «Шетелдiктiң немесе азаматтығы жоқ адамның Қазақстан Республикасының халықтың көші-қон саласындағы заңнамасын бұзуы» бойынша жауапқашара көріліп, әкімшілік хаттама толтырылып, іс-құжаттар сотқа жолданды. Ордабасы аудандық сотының шешіміне сәйкес бұл шетелдіктердің барлығы ҚР аумағынан шеттетілді. Өз кезегінде Түркістан облысының полицейлері тек орын алған құқықбұзушылықты анықтап қана қоймай, шетел азаматтары және жұмыс берушілермен профилактикалық түсіндіру жұмыстарын жүргізді. Көші-қон қызметі туралы заңдылықтарды сақтау бойынша ескерту жасады.

"AQ-QARA.KZ"-ақпарат