Түркістан облысы Жетісай ауданында заманауи денешынықтыру кешені пайдалануға берілді. Нысанның ашылу салтанатына Түркістан облысының әкімі Дархан Сатыбалды арнайы қатысып, жас спортшыларға жеңіс пен сәттілік тіледі.
Түркістан қаласында 13-14 жастағы жасөспірімдер арасында облыстық біріншілікте қала әкімінің кубогі сарапқа салынды.
Бүгін Шымкент қаласында өткен шахматтан балалар арасындағы Ел біріншілігі аяқталып, марапаттау рәсімі болды. Жабылу салтанатына арнайы шақырылған мәртебелі қонақтар және жаттықтырушылар мен спортшылар қатысты. Жабылу салтанаты барысында Қазақстан шахмат федерациясының атқарушы директоры Гүлмира Дәулетова Ел біріншілігі жөнінде пікірін білдірді.
6 қараша күні Түркістанда ІІ Түркі универсиадасы басталды. Бауырлас елдердің спортшы өрендерінің басын қосқан доданың ашылу салтанаты «Керуен сарай» кешеніндегі «Show arena» ғимаратында ұйымдастырылды.
Қытайдың Ханчжоу қаласында өткен жазғы Азия Пара ойындарында Қазақстаннан 131 спортшы 14 спорт түрінен бақ сынады. Байрақты бәсекеде ел намысын қорғаған Түркістан өңірінің спортшылары елге жүлдемен оралды. Түркістан облысының әкімі Дархан Сатыбалды Азия Пара ойындарында ел намысын қорғап, көк туымызды көкке көтерген спортшылармен кездесіп, сый-құрмет көрсетті. Жеңімпаздармен пікірлесіп, алғысын білдірді.
Албания елінің Тирана қаласында еркін күрестен U23 жасқа дейінгі ересектер арасында өткен әлем чемпионаты аяқталды. Тартысты сында 61 келі салмақта Қазақстан ұлттық құрамының талантты балуаны, Түркістан облысының спортшысы Асылжан Есенгелді күміс жүлдегер атанды.
Түркістанда өрт сөндіру-құтқару спортынан әлем чемпионы атанған Айдана Тұрсын облыстық Төтенше жағдайлар департаментінде жұмыс істейді. Ол 17 жасынан бастап жеңіл атлетикамен айналысады.
Түркістан облысында кәсіби және бұқаралық спортты дамытудың жаңа жоспары немесе стратегиясы әзірленеді. Себебі бұл салада өңірдің әлеуеті толық пайдаланылмай отыр. Бұл туралы облыс әкімі Дархан Сатыбалдының төрағалығымен өткен аппараттың апталық отырысында айтылды. Өңір басшысы спорт саласын дамыту жұмыстарын жандандыру, түбегейлі өзгерістер жасау жөнінде нақты тапсырмалар берді.