Бірлік – ынтымағы мен берекесін тең ұстаған Қазақ елі үшін ең қастерлі ұғым, сан ғасырлардан мирас болып келе жатқан дана халқымыздың асыл қасиеті. Бабаларымыз ынтымақ пен татулықты, ортақ келісім мен ауызбірлікті, жарасымдылық пен сыйластықты мүдделі түрде еліміздің біртұтастығын сақтауда әрдайым биік мақсат етіп қойған. Бірлікті елдікпен ұлт болып ұйысып, ынтымақпен сыйысып отырудың басты кепілі ретінде санаған. 

Мемлекет басшысы Қ.Тоқаев ол жайында «Халық бірлігі және жүйелі реформалар – ел өркендеуінің берік негізі» деп, ерекше атап өткен-ді. Бүгінде Республика күні ұлттық мереке ретінде қайта жаңғырып, елдің бірлігін нығайтып, ұлттық рухын күшейтуге, ынтымағын арттыруға үндейтін айтулы күнге айналып отыр. Бай әрі терең тарихымызбен, мәдениетімізбен, бірлік пен ынтымақты ту еткен халқымызбен, «Елім, жерім» дейтін ұрпағымызбен мемлекетіміз әлемнің дамыған елдерінің қатарынан көрінетін күн жақын. Себебі, бүгінде еліміздің тарихын, әдебиетін, мәдениетін дәріптеп, әлем елдеріне танытуға үлкен күш салынып жатыр. Талантты жастарымыз әлем сахналарында өнер көрсетіп, биіктерден көрініп жүр. Бекем бірлігімізбен алға қойған мақсаттарға жетіп, биік-биік асуларды бағындыратынымызға сенім мол.

Құрметті қазақстандықтар, Республика күні құтты болсын! Отанымыздың босағасы берік, шаңырағы биік болсын! Еліміздің бірлігі нығая түссін! 

Бекболат ҚҰРМАҒОЖАЕВ,

Ж.Шанин атындағы академиялық драма театрдың көркемдік жетекшісі

Түркістан облысы құрылғалы өңірдегі күре жолдардың барлығы жөндеуден өткізіліп жатыр. Соның ішінде маңызды жобалардың бірі – «Түркістан-Шәуілдір» бағытындағы жол. Жалпы ұзындығы 64 шақырымдық облыстық маңызы бар автомобиль жолы бүгінде толық қайта жөндеуден өтуде.

Еліміздің бірқатар өңірлерінде қызылша ауруы дендеп тұр. Түркістан облысында бүгінгі күнге дейін қызылша дертімен 373 күдікті жағдай тіркеліп, 166 науқастың диагнозы расталған.

Түркістан облысында 2022 жылы агроөнеркәсіптік кешен субъектілерін қолдауға 30,3 млрд. теңге бөлінсе, биылғы жылы қолдау көлемі 30%-ға артып, 40 млрд. теңге бөлінді. Бұл туралы брифингте облыстық ауыл шаруашылығы басқарма басшысының м.у.а. Әлібек Әбдіхалықұлы мәлімдеді.

Мақта-тоқыма кластерімен айналысатын өзбекстандық ең ірі компаниялардың бірі – «Global textile» компаниясы Түркістан облысы, Мақтаарал ауданында тоқыма комбинатын және логистикалық орталық ашады. Шетелдік компания 2 мыңнан астам адамды тұрақты жұмыс орнымен қамтитын 5 ірі кәсіпорынды іске қоспақ.

Түркістан облысының ауыл шаруашылығы саласы республикада айрықша орын алады. Өйткені, еліміз бойынша аталған саладағы жалпы өнімнің 13%-ы күнгей өңірге тиесілі. Сондай-ақ, агроқұрылымдардың 33%-ы (80 мың) Түркістан облысында.

Түркістан облысы әкімдігі жанындағы Сыбайлас жемқорлыққа қарсы іс-қимыл мәселелері жөніндегі комиссияның кезекті отырысы өтті. Мәжіліске облыс әкімі Д.Сатыбалды, ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Түркістан облысы бойынша департаментінің басшысы М.Төлеубаев, құқық қорғау органдарының бастықтары, басқарма басшылары және бейнебайланыс арқылы аудан, қала әкімдері мен қатысты.

Облыстық «Farab» әмбебап ғылыми кітапханасында журналист, жазушы, «Алтын қалам» республикалық әдеби байқауының лауреаты Ділдәгүл Нұрмаханбеттің «Әліппеге арналған әдістемелік-хрестоматиялық көмекші оқу құралының» таныстырылымы өтті.

Бұл туралы Өңірлік коммуникациялар қызметінде өткен брифингте «The Spirit of Turkistan» халықаралық этникалық музыка фестиваль алаңының жетекшісі Аида Ақтанова хабарлады.

Кәсіп бастауға ниет еткен адам үшін – титтей мүмкіндіктің өзі зор қолдау. Мемлекеттен тұрмысымызды түзету үшін берген жәрдемақы, әлеуметтік төлемдер менің бүгінгі бизнесімнің алғашқы іргетасы болды десем ешкім сене қоймас. Алайда, бұл – шындық. 2015 жылы аз қамтылған отбасы ретінде мемлекеттен алған қаржымды кәсіптің көзіне айналдырып, бүгінде кәсіпкер ретінде салық төлеп жүрген азаматшамын.

Қазіргі атаулы әлеуметтік көмектен бұрын «Өрлеу» деген бағдарлама болды. Алты баланың анасы ретінде осы көмек қаржыға қол жеткізіп, оған бір тігін машинасын алдым. Өзім тігіп-пішуге жақын болғандықтан алғашында көрпе-төсек жаймалары, қыз жасауын тігіп, үйден тапсырыс алып отырдым. Өзімді осылай жұмыспен қамтыдым. Үйдегі ең жақын көмекшілерім – отағасы мен балаларым болды. Кейіннен атаулы әлеуметтік көмек бағдарламасына берген өтінімім қабылданып, оның қаржысына 8 тігін машинасын алып, кәсібімді кеңейттім. Үйінде бос отырған 2 келіншекті жұмыспен қамтыдым.

Үйдегі шағын цехымда көрпе, қыз жасауы, төсек-жаймалар тігіліп жатты. Оны сататын орын болмағасын аздап қиналып қалдық. Әкімдіктен қаладағы базарлардың бірінен дүңгіршек қарастырып беруін сұрап едік, көп ұзамай орталық «Қырғы» базарынан орын алып берді. Енді өзіміз тіккен бұйымдарды алыпсатарсыз тікелей саудаға шығарып, бағасы қолжетімді әрі сапалы болғасын қысқа уақытта өз клиенттерімізді қалыптастырдық. Ары қарай мемлекеттің қайтарымсыз грантына қол жеткізіп, компьютерлі-автоматты тігін машинасына да қол жеткіздім. Осылайша сапасы түрік көрпелерінен кем түспейтін өнімдерді шығара бастадық.

Уақыт өте балалар да есейді, отбасылық шығындар арта бастады. Енді кәсіпті ары қарай өркендететін сәт келді деп түйдік. Сосын алтын-күміс әшекей бұйымарының саудасына кірістім. Міне, қазір осы бағытта бизнесім өркендеп, 8 адамға жұмыс беріп отырмын. Балаларымның үлкені Түркияда білім алып жатыр. Одан кейінгілері мектепте жоғары сыныпты, ең кенжесі бірінші сыныпта оқиды. Қазір балаларымды зергерлік мамандығын игеруін құптап отырмын. Болашақта осы саланың білікті маманы болса, әшекей бұйымдарды өндіретін үлкен кәсіпорын құруды мақсат еттік.

Өткеніммен қазіргі күнімді бағымдар болсам, бүгінгі жетістігіме мемлекеттің сүйемелімен, мемлекет берген мүмкіндікпен жеткен екенмін. Маған берілген әлеуметтік көмек қаржының барлығы отбасыма, кәсібіме береке болып кірді. Бәлкім, осыдан 10 жыл бұрын маған «табысты кәсіпкер боласың» десе сенбес едім.

Қазір бәрі мүмкін. Өйткені біз тәуелсіз мемлекетте өмір сүріп, өзіміз қалаған адал кәсіппен айналысып жүрміз. Өзім секілді көпбалалы аналарға айтарым – мемлекеттен берілген әр көмекті тиімді пайдаланып, кәсіп бастауға жұмсаңыздар. Біз үшін осындай мүмкіндік берілгенде, біз де сенімді ақтап, бұған дейін елдің демографиясының дамуына үлес қоссақ, енді экономикалық шарықтауына дем берейік.

Тілләкүл ҚАРСЫБАЕВА, кәсіпкер, «Күміс алқа» және «Құрмет» орденінің иегері