«Біз біргеміз!» акциясы аясында тұрғындар қауіпсіздігі үшін Шымкент қаласындағы блок-бекеттерде тәулік бойы қызмет етіп жатқан медициналық қызметкерлерді ыстық тағаммен және сусынмен қамтамасыз етті.
Тұтас Қазақстан ауыр індетке қарсы күресіп жатқан сәтте кәсіподақ қызметкерлері осылайша жомарттық танытып, елге үлгі болатындай істің бастамашысы болды деуге толық негіз бар. Қос мекеменің қаладағы 12 блок-постта қызмет етіп жатқан дәрігері бар, полицейі бар, барлық жауапты мамандарды ыстық тамақпен қамтамасыз етіп жатқандығына бүгін екінші күн екенін естеріңізге сала кетейік. Өз кезегінде дәрігерлер де, полицейлер де алғыстарын жаудырды. Мұндай игі шаралар бұдан кейін де өз жалғасын таба береді деген сеніміміз мол.
«AQ-QARA.KZ» - ақпарат»