Кәсіпкерлікті қолдау мақсатында белгіленген мемлекеттік 505 мың теңге грант иелері марапатталды. Жеңімпаздарды Шымкент қаласының Жұмыспен қамту және әлеуметтік қорғау басқармасы басшысының орынбасары Нұрғали Қуандықұлы Егембердиев арнайы құттықтады.
ҚР Еңбек және халықты әлеуметтік қорғау министрі Біржан Нұрымбетов "Оңтүстік" арнайы экономикалық аймағында орналасқан "Әлем-БТ" ЖШС-ның шұлық жасау фабрикасының жұмысымен танысты және "Әлем білім орталығы" білім алушыларымен кездесті.
Бүгін Шымкент қаласының Әл-Фараби ауданына қарасты Сәуле шағынауданындағы №129 Ы.Алтынсарин атындағы жалпы орта мектебінің мәжіліс залында Шымкент қаласы әкімдігінің Халықты жұмыспен қамту орталығы және қаланың төрт ауданы әкімдігі бірлесіп "Өңіраралық бос жұмыс орындары" жәрмеңкесін өткізді. Жәрмеңкеде қала аумағында орналасқан кәсіпорындармен, мекемелердегі бос жұмыс орындары, солтүстік өңірлердегі жұмыс берушілерден ұсынылған бос жұмыс орындары ұсынылып, қоныс аударуға ниет білдірген азаматтардан өтініштер және "Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған "Еңбек" мемлекеттік бағдарламасы аясында 2500 бос жұмыс орны ұсынылып отыр.
Бүгін Шымкент қаласының білім басқармасына қарасты №83 жалпы орта мектебінде Шымкент қаласының жұмыспен қамту және әлеуметтік қорғау басқармасының қызметкерлері Қайнарбұлақ саяжайының тұрғындарымен кездесті. Және Солтүстік Қазақстан облысы Ғабит Мүсірепов ауданының әлеуметтік бағдарламалар бөлімінің қызметкерлері солтүстікке қоныс аудару бойынша үгіт-насихат жұмыстарын жүргізді.
Шымкент қаласы әкімдігінің «Өмірлік қиын жағдайға түскен адамдарды әлеуметтік бейімдеу орталығы» коммуналдық мемлекеттік мекемесіне белгілі тұрғылықты жері жоқ адамдар және бас бостандығынан айыру орындарынан босатылған және пробация қызметінде есепте тұрған азаматтар қабылданады. 2019 жылдың басынан бүгінгі күнге дейін түзеу мекемелерінен 235 хабарлама хат келіп түскен, анықтау жұмыстарының жүргізілу нәтижесінде 33 азаматтың түзеу мекемесінен босатылмағаны анықталды. Бұл туралы қаланың Жұмыспен қамту және әлеуметтік қорғау басқармасы мамандары хабарлады.
«2018 жылы 19 маусымда Елбасы Шымкентке республикалық маңызы бар қала мәртебесін беру туралы жарлық шығарды. Осылайша көне де жаңа қала еліміздегі он жетінші аймаққа айналды. Шымкенттің республикадағы үшінші мегаполис мәртебесіне ие болуы шаһардың өсіп-өркендеуі мен жан-жақты дамуына зор серпін беріп отыр. 2200 жылдық тарихы бар көне қаланың жаңа келбеті қалыптасып, миллионды шаһар дамудың даңғыл жолына түсіп, жаңа мүмкіндіктерге ие болуда» - деп хабарлайды «AQ-QARA.KZ» ақпарат агенттігі Шымкент қаласы әкімінің баспасөз қызметіне сілтеме жасап.
Қалалық диагностикалық орталығының ұжымымен Қазақстан Республикасының Сыбайлас жемқорлыққа қарсы іс-қимыл агенттігінің Шымкент қаласы бойынша департаменті «Сыбайлас жемқорлыққа қарсы іс-қимыл – патриотизімнің жаңа түрі» тақырыбында кездесу өткізді.
Шымкент қаласы Ішкі саясат және дін істері басқармасының Ақпараттық коммуникациялық орталығында Еңбек, әлеуметтік қорғау және көші-қон комитетінің Шымкент қаласы бойынша департаменті өкілдерінің қатысуымен баспасөз брифингі өтті. Жиында департамент басшысы Аманжол Нұрсейітов атқарылған жұмыс барысын баяндай келе, 2019 жылдың 9 айында 109 тексеру тағайындалғанын атап өтті.