Түркістан облысы Келес ауданындасу жиналатын көше бойларына суағарлар салынады. Бұл туралы Келес ауданы әкімінің баспасөз қызметі фейсбук әлеуметтік желісіндегі парақшасында хабарлады.
Еліміздегі Төтенше жағдайға байланысты қиын-қыстау сәтте ауданымыздан шыққан жомарт кәсіпкерлер Ғабит Қапалбаев пен Бақытбек Нақыпбеков #BizBirgemiz акциясын барынша қолдап, өз жерлестерімен бірге екендіктерін көрсетіп, аудандағы әр ауылдық округтегі елді мекендерде тұратын атаулы әлеуметтік көмек алушылар мен өмірлік қиын жағдайдағы 300 отбасыға азық-түлік таратты.
Елімізде қауіпті індетке байланысты жарияланған төтенше жағдай кезінде Төлеби ауданындағы тұрмысы төмен отбасылар назардан тыс қалып жатқан жоқ. Ауданға қарасты ауылдық округтерден әлеуметтік қолдауды қажет ететін отбасылар мен отбасы мүшелерінің тізімі жасақталып, оларға кәсіпкерлер тарапынан түрлі әлеуметтік көмек көрсетіліп келеді.
Рашид Абатұлы шаһардағы жаяу жүргіншілер жолы мен жол жиегінде анықталған келеңсіздіктерді қатаң сынға алды. Тұрғындарға қолайлы және жайлы жағдай жасау мақсатындағы жұмыстардың сапасына көңілі толмаған қала әкімі, жауапты азаматтардың жылдам қалпына келтіруін ескертті.
Аз қамтылған отбасыларды қолдау және ұн бағасын тұрақтандыру мақсатында Келес ауданы орталығы Абай ауылындағы «ӘУЕС» ЖШС-інің базары маңынан «Әлеуметтік дүкен» ашылып, 1 қап ұн бағасы 6500 теңгеден, 1 келі картоп 80 теңгеден және пияз 95 теңгеден сатылуда.
Биыл Түркістан облысында Рамазан айында ауызашар өткізілмейді және мешіттерде тарауих намазы оқылмайды. Елде жарияланған төтенше жағдай кезіндегі діни жорағылар жасаудың жаңа үлгісі енгізілген. Қазақстан мұсылмандары діни басқармасының Түркістан облысы бойынша Бас имамы Мұсабек Ақтамберді Өңірлік коммуникациялар қызметінде өткен брифингте Бас мүфти Наурызбай қажы Тағанұлына сілтеме жасай отырып, осылай мәлімдеді.
Түркістан облысының іскер әйелдері #BizBirgemiz акциясын барынша қолдап, көмекке мұқтаж жанұяларға көмек көрсетуде. «Nur Otan» партиясы өкілдерінің ұйытқы болуымен Сайрам ауданында орналасқан «AYKAN» ЖШС бір миллион теңгеге жергілікті 115 отбасыға азық-түлік пен өздері өндіретін ірімшік, сүт өнімдерін таратты. Үйлеріне жеткізіп, тұрғындардың еңсесін көтерді.
Арыс қаласы әкімі М.Қадырбектің тапсырмасына сәйкес, COVID-19 инфекциясын таралуының алдын алу мақсатында Арыс аудандық тауарлармен көрсетілетін қызметтердің сапасы мен қауіпсіздігін бақылау басқармасының қызметкерлерімен және әскери қызметшілер бекітілген кестеге сәйкес, бүгінгі жалпы көлемі 80200 шаршы метрге залалсыздандыру жұмыстарын жалғастырды.