Отырыс барысында сыбайлас жемқорлыққа қарсы іс-әрекет бойынша заңдылықтың, тәртіптің сақталуы, қабылданып жатқан шаралардың жай-күйі, мемлекеттік бағдарламаларға бөлінген қаржылардың нысаналы пайдалануы талқыланды. Комиссия отырысына қала әкімі аппаратының бөлім басшылары, ауылдық округ әкімдері мен дербес бөлім басшылары қатысып, кәсіпкерлік бөлімінің басшысы Қ.Шойнахов, жұмыспен қамту және әлеуметтік бағдарламалар бөлімі басшысының орынбасары К.Ділдәбекова, қалалық құрылыс бөлімінің бас маманы Ғ.Садықов, ішкі саясат бөлімінің бас маман-баспасөз хатшысы Ш.Нұртазаевалар күн тәртібіндегі мәселе бойынша баяндамалар жасады. Баяндамашыларға сұрақтар қойылып, заң аясында тиісті жауаптар берілді.

«AQ-QARA.KZ»-ақпарат.