Шымкент қалалық мәслихатының кезектен тыс 34-сессиясында Әл-Фараби ауданына жаңаданәкім тағайындалды. Сессия отырысында халық қалаулылары Әл-Фараби ауданының әкімі лауазымына Мәуленқұлов Ғабит Патшаханұлының тағайындалуына бірауыздан келісім берді.
Шымкент қалалық мәслихатының кезектен тыс 34-сессиясында Қаратау ауданының әкімі тағайындалды. Сессия отырысында депутаттар Қаратауауданының әкімі лауазымына Қантөреев Исамидин Мұхитдинұлының тағайындалуына келісім берді.
Қала әкімдігінде өткен салтанатты жиынға 400-ден аса адам, қала активі, мәслихат депутаттары, қоғамдық кеңес мүшелері, құқық қорғау органының өкілдері, мәдениет және спорт саласының қызметкерлері қатысты. Жиылғандар алдында сөз алған қала әкімі Ғабидолла Әбдірахымов баршаны аяулы да асқақ қаланың дүбірлі мерекесі – Астананың 20 жылдық мерейтойымен құттықтады.
Миллионнан астам тұрғыны Шымкенттің дамуында жаңа дәуір басталады. Соның бір парасы – «Шымкент Сити» жобасы. Бұған қоса алдағы уақытта қаланың жасыл аймағын 18 мың гектарға жеткізу жоспарланып отыр.
«Цифрлы Қазақстан» мемлекеттік бағдарламасы аясында Шымкент қаласындағы №42 Хамза атындағы жалпы орта мектебінде кестеге сәйкес 10 шілдекүні қала тұрғындарының электрондық цифрлық сауаттылығын арттыру мақсатында «Базалық» бағдарламасы бойынша электронды құралдарды пайдалану, үйрету, түсіндіру іс-шарасы өткізілді.
Шымкентке республикалық қала мәртебесі берілгелі мұнда кадрлық ауыс-түйістер орын алып жатқаны белгілі. Соның бір дәлелі, Шымкент қаласы бойынша қылмыстық-атқару жүйесі департаментінің жаңа басшысы тағайындалды.
ҚР "Мемлекеттік қызмет туралы" Заңына сәйкес Шымкент қаласы әкімінің бірінші орынбасары лауазымына Нұртай Қайрат Ырзақұлұлы тағайындалды.
Құрметті Шымкент тұрғындары мен қала қонақтары!
Құрметті Шымкент тұрғындары мен қала қонақтары! Сіздерді еліміздің мақтанышы - Астана қаласының 20 жылдығы мерекесімен шын жүректен құттықтаймын!Тарих үшін жиырма жыл қас-қағым ғана сәт. Ал, ғаламат өзгерістер өлшемімен салыстырсақ, бұл аз уақыт емес.
Еліміздің тұңғыш Президенті Нұрсұлтан Әбішұлы Назарбаевтың стратегиялық шешімі мен ерен еңбегінің нәтижесінде бүгінде Астана әлем таныған әсем қалаға айналды. Мемлекет басшысының астананы көшіру туралы батыл қадамы стратегиялық, экономикалық және жалпыұлттық маңызға ие баламасыз бастама болды. Еліміздің елордасын ауыстыру арқылы біз мемлекетіміздің қауіпсіздігін, геосаяси еркіндігін, территориясының мызғымастай беріктігін қамтамасыз еттік.
Содан бергі өткен 20 жыл ішінде еліміздің бас қаласы – Астана төрткүл дүниені түгел тамсандырған тарихи құбылысқа айналғаны ақиқат. Арқа төсіндегі сәні мен салтанаты жарасқан елорда бүгінде озық идеяларды, жаңа ғылыми шешімдер мен сәулет өнерінің озық үлгілерін өмірге әкелетін орталық. Елордамызда ЕҚЫҰ саммиті, VII Қысқы Азия ойындары, Астана экономикалық форумы, Әлемдік және дәстүрлі діндер лидерлері съездерінің өтуі толық дәлел бола алады. Өткен жылы «Астана ЭКСПО-2017» халықаралық мамандандырылған көрмесінің өтуі Астананың әлемдік аренадағы абыройын асқақтата түсті.
Астана – Сарыарқа төсіндегі XXI ғасыр ғажайыбы. Астана – Қазақстан тәуелсіздігінің тұғыры. Астана – Еуразия жүрегіндегі ару қала!
Құрметті шымкенттіктер!
Бүгінде Шымкент қаласы Елбасы Жарлығымен республикалық маңызы бар қала статусын алып, мегаполис атанды. Шымкент қаласын дамытудың жаңа дәуірі басталды. Шырайлы Шымшаһар Астанаға қарап бой түзейтін болады. Алдымызда жауапты міндеттер мен жоспарлар тұр. Шымкенттіктердің еңбекқорлығы мен жаңашылдығы арқасында біз осы міндеттердің бәрін еңсереміз деп ойлаймын. Осындай тарихи шешім қабылдаған Елбасыға Шымкент халқы атынан алғысымызды білдіреміз.
Астананың 20 жылдығы құтты болсын! Отанымыздың жүрегі – Астана мәңгі жасай берсін! Тәуелсіздігіміздің тұғыры биік болсын!
Ғабидолла Әбдірахымов,
Шымкент қаласының әкімі