Үкімет жетекшісі Шымкент қаласының әкімін құттықтады
Үкімет отырысында ҚР Премьер-Министрі Бақытжан Сағынтаев Ғабидолла Әбдірахымовты Шымкент қаласының әкімі болып тағайындалуымен құттықтады.
Шымкентте енді 22 басқарма болады
Шымкент қаласы республикалық маңызы бар қала мәртебесін алғалы жаңалықтардың орталығына айналып отыр.Таяуда қалалық мәслихаттың депутаттары алғашқы сессияларын өткізіп, күн тәртібіндегі біраз мәселелердің басын қайырды.
Шымкентте мемлекеттік қызметкерлердің еңбекақысы көтерілетін болады
Таяуда Шымкентте өткен мемлекеттік қызметкерлер күнінде сөз сөйлеген қала әкімі Ғабидолла Әбдірахымов қала әкімдігіндегі мемлекеттік қызметкерлердің еңбекақысы көтерілетін болады деді. Бұл жаңалық біраз отбасыға қуаныш силап, мемлекеттік қызметке деген қызығушылықты оята түсері анық.
Шымкентте 23 маусым - мемлекеттік қызметкерлер күні атап өтілді
Шымкенттегі Қазақстан халқы Ассамблеясының ғимаратында мемлекеттік қызметшілердің кәсіби мерекесіне және мемлекеттік қызмет органдарының 20 жылдығына арналған салтанатты іс-шара өттi. Жиынға Түркiстан облысының әкімі Ж.Түймебаев, Шымкент қаласының әкiмi Ғ.Әбдiрахымов, ҚР мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаментінің басшысы Ә.Көмекбаев, мәслихат депутаттары және 900-ге жуық мемлекеттік қызметші қатысты.
Салтанатты жиында Жансейiт Қансейiтұлы, Ғабидолла Рахметоллаұлы барша мемлекеттiк қызметкерлердi мерекемен құттықтап, қазiргi сәтте мемлекетке қызмет ету жауапты мiндет екенiн атап өттi.
- Елбасының Жарлығымен Түркiстан облысы құрылып, Шымкент қаласы мегаполис атанғанын бiлесiздер. Ендiгi ретте мемлекеттiк қызметкерлерге зор мүмкiндiк туып отыр. Түркiстан қаласы облыс орталығы болғандықтан, ендi халықаралық ынтымақтастық, ic-шаралар, конференциялар көбейедi. Сiздер өздерiңiздiң бiлiм-бiлiктерiңiздi көрсетiңiздер. Бiзге көптеген мемлекеттiк қызметкерлер керек. Түркiстанды бiрге түлетейiк, - дедi облыс әкiмi.
Құттықтау сөзiнен кейiн Жансейiт Қансейiтұлы бiрқатар мемлекеттiк қызметкерлердi облыс әкiмiнiң грамотасымен марапаттады. Сондай-ақ, "Үздiк мемлекеттiк қызметшi" төсбелгiсiн тапсырды.Жиында Шымкенттің əкімі мемлекеттік қызметкерлерді бір отбасыдай жұмыс істеуге шақырды.
- Жаңа статус - бұл жаңа мүмкіндіктер ғана емес, қала тұрғындарына жүктелетін зор жауапкершілік. Бірге жұмыс істесек қана Шымкентті жаңа белеске шығарамыз. Біздің мақсатымыз - Шымкентті Астана мен Алматы қалаларының деңгейіне жеткізу. Егер біз бір отбасының мүшесіндей жұмылсақ, бұл мақсатқа жететінімізге сенемін, - деді Ғабидолла Əбдірахымов.
Қала əкімі бұған қоса жаңа статусқа байланысты мегаполис əкімдігі қызметкерлерінің жалақысы көтерілетінін айтты. Басқармалар құрылған соң конкурс жарияланып, жұмысқа үздік қызметкерлер қабылданатынын мәлімдеді. Сондай-ақ, жиында ҚР мемлекеттік қызмет істері және сыбайлас жемқорлыққа қарсы іс-қимыл агенттігінің өңірлік департаментінің басшысы Ә.Көмекбаев та бiрқатар мемлекеттiк қызметкерге департаменттiң грамотасын табыс еттi.
«AQ-QARA.KZ - ақпарат»
Шымкентте имамдардың халықаралық форумы өтті
Шымкентте имамдардың халықаралық форумы өтті. Қазақстан мен Өзбекстанның дінбасыларының өкілдері еліміздің үшінші мегаполисінде кездесті. Олар имамдардың қызметі, қазіргі заманғы қоғамдағы дін мәртебесі туралы ең өзекті мәселелерді талқылады.
Ғабидолла Әбдірахымов мегаполис Шымкенттің жаңа әкімі болып қайта оралды
Республикалық маңызға ие болған Шымкент қаласының жаңа, яғни алғашқы әкімі болып Ғабидолла Әбдірахымов тағайындалды. Бұл қызметте ол Нұрлан Сауранбаевты алмастырды.
Жансейіт Түймебаев – Түркістан облысының тұңғыш әкімі!
Бүгін мемлекет басшысы Нұрсұлтан Назарбаевтың тапсырмасы бойынша Премьер-Министр Бақытжан Сағынтаев пен Президент Әкімшілігінің басшысы Әділбек Жақсыбеков жаңадан құрылған Түркістан облыстық мәслихатының сессиясына қатысып, Үкімет жетекшісі Түркістан облысының әкімі лауазымына Жансейіт Қансейітұлы Түймебаевты тағайындау туралы ұсынысы жазылған Елбасының облыстық мәслихат депутаттарына жолдаған хатын оқып берді. Дауыс беру қорытындысы бойынша депутаттар Президент ұсынған кандидатураны бірауыздан қолдады.
Нұрлан Сауранбаев Шымкенттің республикалық маңызға ие қала атануымен құттықтады
Құрметті шымкенттіктер! Қадірлі жерлестер!
Мемлекет басшысы Нұрсұлтан Әбішұлы Назарбаевтың Шымкентке республикалық қала дәрежесін беру туралы Жарлыққа қол қойғанын баршамыз асқан қуанышпен қарсы алып отырмыз. Осы сәттен бастап елімізде үшінші мегаполис, он жетінші аймақ пайда болды.