Мақтаарал ауданындағы «Алпамыс батыр» стадионында футболдан Қазақстан Республикасы біріншілігі Бірінші лига командаларының 2004 жылғы жасөспірімдері арасындағы жарыстың IV кезең ойындары болып өтті. Жарыста мақтааралдық жасөспірімдер оза шауып бірінші орынды жеңіп алды. 

Алдағы үш жылда агроөндірістік кешенді дамытуға жыл сайын қосымша 100 млрд. теңге қаржы бөлінетін болады. Бұл өз кезегінде қазақстандықтардың сапалы әрі қауіпсіз азық-түлік пайдалануына мүмкіндік туғызбақ. Бұл туралы Қазақстан халқына арнаған дәстүрлі Жолдауында Елбасымыз Нұрсұлтан Назарбаев мәлім етті. «Ұлан-ғайыр жері бар, құнарлы топырағы бар Қазақстан шетелден қымбат әрі сапасыз азық-түліктер алмауға тиіс. Біз өзімізді өзіміз асырай аламыз», - деді Елбасы. 

Жетісай ауданында Ұстаздар күні мерекесі салтанатты түрде аталып өтті. Шараға аудан әкімі Ж.Бейсенбаев, аудандық мәслихат хатшысы Ә.Утанов, аудан әкімінің орынбасарлары мен сала басшылары және БАҚ өкілдері қатысты. 

Мақтаарал ауданында Ұстаздар күніне арналған "Ұстаз – ұлы тұлға" атты мерекелік іс-шарасы аталып өтті. Мерекеге аудан басшылары мен ардагер ұстаздар, білім беру саласының қызметкерлері қатысты. 

Мырзашөл өңіріндегі ризық-несібесі «ақ алтын» арқылы бұйыратын шаруалар үшін жағымды жаңалық! Кешегі аптада вице-премьер-Ауыл шаруашылығы министрі Өмірзақ Шөкеев пен облыс әкімі Жансейіт Түймебаевтың Мақтаарал ауданына жасаған жұмыс сапарынан кейін мақтаның бағасы 180 теңге болып бекітілді. Министр мен облыс басшысы жергілікті зауыт басшыларымен және мақтаны экспорттаумен айналысатын трейдерлермен арнайы жиын өткізіп, жүргізілген нәтижелі жұмыстың арқасында «ақ алтынның» бағасы 10 теңгеге өсті. 

Сөйтіп, Жетісай ауданында мақта бағасы 180 теңге көлемінде белгіленді. Ал «ақ алтынның» әр тоннасына 12 мың теңгеден субсидия төленетін болады. 

Түркістан облысының әкімі Жансейіт Түймебаев Сарыағаш ауданына сапары барысында өңірдегі орталық ауруханаға арнайы аялдады. Мекеменің инсульт орталығындағы соңғы заманауи құрылғымен жабдықталған томография кабинетін саланатты түрде ашып берді. 

Президент Нұрсұлтан Назарбаев халыққа арнаған Жолдауында Түркістан облысындағы «Бөрте-Милка» компаниясының жетістігіне арнайы тоқталды. Дәлірегі, «Негізгі міндет – еңбек өнімділігін және қайта өңделген ауыл шаруашылығы өнімінің экспортын 2022 жылға қарай 2,5 есе көбейту. Мәселен, Түркістан облысында «Бөрте Милка» ЖШС-і жаңа заманауи технологияларды пайдаланудың арқасында өнімділікті 2 есеге арттырған» деді. 

ҚР Премьер-министрінің орынбасары-Ауыл шаруашылығы министрі Өмірзақ Шөкеев Түркістан облысына жасаған сапары кезінде Мақтаарал ауданына да ат басын бұрды. Мақталы өлкедегі ауыл шаруашылығы саласының даму барысымен танысқан министр бірнеше нысандарды аралап көрді. Облыс әкімі Жансейіт Түймебаев өңірде ауыл шаруашылығы саласына көңіл бөлініп, өнімділік жоғарылап келе жатқанын жеткізді. 

ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департаментінің, Ұлттық бюро департаментінің, сондай-ақ облыс әкімдігінің ұйымдастыруымен білім беру саласында сыбайлас жемқорлық деңгейін төмендету мәселелері талқыланған жиын өтті. Оған «Нұр Отан» партиясының Түркістан облыстық филиалы төрағасының бірінші орынбасары Н.Жолдасов, облыстық білім басқармасының және қалалық, аудандық білім бөлімдерінің басшылары, қала, аудан әкімдерінің білім саласына жетекшілік ететін орынбасарлары мен облыстағы барлық  білім беру ұйымдарының 1300 басшысы, сондай-ақ арнайы мониторингтік топ мүшелері қатысты.