Айта кетері, нысан жұмысы басталғанда 15 адам жұмыспен қамтамасыз етілмек. Шипажайда 50 адамға саумалмен емделуге барлық жағдайлар жасалатын болады.

Келесі кезекте Бауыржан Бақытұлы Алатау елді мекеніндегі минералды және шырынды сусындар шығаратын цехында болды. Бұл кәсіпорынның күніне 5 литрлік және 10 литрлік бөтелкенің 8000 данасын дайындауға қауһары бар. Дайын өнім сауда үйлері арқылы сатылымға шығарылатын болады. Цех жұмысын бастаған кезде жергілікті көп балалы ата-аналардан 40 адамды жұмыспен қамтамасыз ету жоспарлануда.

Содан кейін Диханкөл елді мекеніндегі Құдайбақ-Ата ӨК-нің жұмыстарына да шолу жасалды. Аталған кооператив құлпынай, ежевика, малина егіп, күтіп-баптауда. Сонымен қатар, 1 алқаптан 2-3 өнім алу бағытында 5 га жерге ноқат дақылын еккен.

Аудан әкімі келесі кезекте күрделі жөндеуден өтіп жатқан Диханкөл мектебінің құрылыс жұмыстарымен танысты. Құрылыс жұмыстарын «Алжа» компаниясы жүргізуде. Қазіргі таңда елді мекеннен 50-ге жуық жұмысшы азаматтар тартылған.

Іс-сапары соңында аудан басшысы Ұзынарық ауылындағы «Жаңа-Ғасыр» шаруа қожалығының егіске қажетті техникаларымен танысты. Нәтижесінде елді мекендердегі атқарылып жатқан жұмыстарға оң бағасын берді.

 «AQ-QARA.KZ»-ақпарат.