6 сәуірден бастап Шымкенттегі 222 037 оқушы ІV тоқсанды қашықтықтан оқыту форматында бастағаны белгілі. Республикада білім беру ресурстары толықтырылған интернет платформаларына қала оқушылары 100% тіркеліпті. Оны республикалық рейтинг растап отыр. Жалпы бұған дейін практикада болмаған қашықтықтан оқыту жүйесінің іске асырылу барысы қандай?
Түркістан облысының білім саласында сыбайлас жемқорлықты жою мақсатында көптеген нәтижелі істер жүзе асуда. Бұл туралы облыс басшысы Өмірзақ Шөкеевтің төрағалығымен өткен Сыбайлас жемқорлыққа қарсы іс-қимыл мәселелері жөніндегі комиссия отырысында облыстық Адами әлеуетті дамыту басқармасының басшысы Рақымбек Жолаев баяндады.
Шымкент қаласындағы М.Әуезов атындағы Оңтүстік Қазақстан мемлекеттік университетінің ғалымдары антисептикалық сұйықтық дайындап шығарды. Бұл туралы аталған оқу орнының баспасөз қызметі хабарлады.
Бүгін Ақпараттық-коммуникациялық орталықта мемлекет басшысының тапсырмасына сәйкес, білім саласындағы өзекті мәселелер бойынша онлайн-брифинг өтті. Брифинг барысында Шымкент қаласы білім басқармасының басшысы Жанат Тәжиева қашықтан оқыту, ҰБТ-ға дайындық туралы ақпарат берді.
Шымкенттегі 213 білім беру ұйымы (мектептер, колледждер, ЖОО) толығымен қашықтан оқыту форматына көшті. Қаладағы 172 мектепте оқитын 222 мыңнан астам оқушылар толығымен қашықтан білім беру жүйесімен қамтылған.
Шымкент қаласындағы мемлекеттік 147 және жекеменшік 25 орта білім беру ұйымы қашықтан оқыту жүйесіне дайын. Оқыту форматы екі бағытта жүргізіледі. Оның бірі «Дарын онлайн» тегін платформасы. Ал, екіншісі ғаламтор арқылы байланысуға мүмкіндігі жоқ оқушылар үшін телеарналар арқылы күнделікті сабақ оқи алады. «Ел Арна», «Балапан», сондай-ақ жергілікті «Оңтүстік» телеарнасы арқылы кесте бойынша сабақ өтетін болады.
Сайрам ауданының әкімі Уласбек Садибеков Ақсукент ауыл округіндегі М.Горький, №97 Сұраншы батыр және №61 Титов атындағы мектептерін аралап, қосымша оқу ғимаратының құрылыс жұмыстарымен танысып қайтты.
Аудандағы жалпы орта мектептерде оқитын оқушылардың білім сапасын арттырып, әлемдік деңгейге көтеру мақсатында Жетісай ауданының әкімі Жамантай Бейсенбаевтың бастамасымен бұрынғы ыңғайластырылған ескі ғимараттар типтік үлгідегі заманауи білім ұяларымен алмастырылып жатыр.