Мерейтойда құрметті қонақтар Темірхан Медетбек, Тынымбай Нұрмағамбетов, Ұлықпан Сыдықов, Ғалым Жайлыбай, Бауыржан Жақып, Марат Тоқашбаев, Жанарбек Əшімжан, Бахытжан Алдияр сынды ақын-жазушылар қатысып, ізгі тілектерін жеткізді. Шығармашылық кешті облыс әкімінің орынбасары Ербол Садыр ашып, облыс әкімі Жансейіт Түймебаевтың құттықтау хатын оқып беріп, жылы лебізін білдірді. Еске сала кетейік, Түркістанның қала күнін тойлау барысында облыс әкімі ақынды келген қонақтармен бірге этноауылдағы ақ шаңқан киіз үйде арнайы қабылдап, ақ дастархан басында ауызба-ауыз құттықтауын жеткізіп, иығына шапан жапқан болатын. Одан соң туған ауылы Үлгілі және Бабайқорғанда ауылдастармен кеш өтті және сол жерде мектепте сынып-кәбинеті ашылған болатын.

Кешке қарай Кентау қаласының әкімі Әбдібақыт Мақұлбаев қонақтарға арнап дастархан жайып, құрмет көрсетті. Зиялы қауым өкілдері де тілек айтып, иығына шапан жапты. Шарада Құлбек Ергөбек бастаған ХҚТУ-дің ұстаздары тосын сый жасап, Қасымхан ақынға Ясауи атындағы төсбелгі тақты және Университеттің құрметті профессоры атағы берілгенін жеткізді.

«AQ-QARA.KZ» – ақпарат»