Биыл Елбасы Жарлығына сəйкес шілденің бірі ұлттық домбыра күні болып жарияланды. Осыған орай Шымкент қаласы əкімдігінің ұйымдастыруымен мерекелік іс-шара өтті. Оған қала тұрғындары, қалалық әкімдік қызметкерлері мен БАҚ өкілдері қатысты. 

Шаһардағы Қонаев даңғылының бойындағы жолды екіге бөліп тұрған темір шарбақтар алынды. Сала мамандарының айтуынша, жол ортасына отырғызылған ағаштар өсіп, көлік жүргізушілеріне кедергі жасап жатыр екен. Өз кезегінде оны қырқу да қиынға түскен. 

Шымкент қаласының Орталық саябағындағы балалар алаңшасының істен шыққан элементтері жаңартылды. 

Осы аптаның жұма, сенбісінде Шымкент қаласындағы «Көрме» орталығында Астананың 20 жылдығына орай отандық тауар өндірушілердің көрмесі өтті. Келушілердің қатарынан Шымкент қаласының әкімі Ғабидолла Әбдірахымов та табылды. Ол көрменің ашылу салтанатына қатысты. 

Шымкентте алғаш рет халықаралық йога күні атап өтілді. Оның ұйымдастырушысы йога институтының жетекшісі Сандип Васант Джадхава.Шымкенттің тұрғындары мен қала қонақтары йогамен шұғылданып, үнді билерін көріп, Үнді мәдениетін тамашалады.

Шымкенттегі Абай, Әл-Фараби, Еңбекші, Қаратау аудандарының әкімдері мен бірқатар бөлім басшылары қалалық мәслихат депутаттарының алдында есеп берді. Шенділер атқарған шаруалары жайлы сөйлеуге жан-жақты дайындалып келгенімен, халық қалаулыларының көңілінен шықпаған тұстар да болды. 

Құрметті қала тұрғындары мен қонақтары! Шымкент қаласының Бас жоспарына сәйкес қалалық жолаушылар көлігі және автомобиль жолдары бөлімі «Бөгет көшесінің құрылысы (Дамба көшесінің жалғасы)» жұмыс жобасы бойынша қоғамдық тыңдау өткізбек.

Бір кездері аты әлемге әйгілі болған, бүгіндері жұмысын тоқтатқан Шымкенттегі қорғасын зауытының мұнарасын бұзуға конкурс жарияланып отыр. Ескі мұнаралар мердігер мекеме анықталған соң бұзылатын болады. Бұл туралы таяуда қала әкімдігінің баспасөз қызметі хабарлады.

Таяуда Шымкент қалалық мәслихатының кезекті XXXII сессиясы өткені белгілі. Онда Шымкент қаласының 2017 жылғы бюджетінің атқарылуы туралы есебі, қалалық білім, сәулет және қала құрылысы, жер қатынастары бөлімінің есебі, сондай-ақ, төрт аудан әкімдігінің жұмысы тыңдалды. Сессияға қала әкімі Ғабидолла Рахметоллаұлыныңда қатысқанын айта кетейік.

Шымкентте ақылы медициналық қызметтен түскен ақшаға «Амбулаторлық хирургия, травматология және гинекология орталығы» қысқа мерзім ішінде жөнделіп, қайта құрылымдаудан өткізілді. Жөндеу жұмыстарына жалпы 10 миллион теңге жұмсалған.