Бауырлас елден жағымды жаңалық. Шымкенттің «Фараб» би ансамблі таяуда Түркияда өткен халықаралық би фестивалінде топ жарып, жеңімпаз атанды. Құрылғанына небары 1 жылға жуықтаған шығармашылық ұжым Анадолы елінің Бурса қаласында XXXII «Алтын Қаракөз» және «ТҮРКСОЙ» Халықаралық ұйымының арнайы жүлдесіне ие болды. Ал, Инегел қаласында фольклорлық мәдениет және өнер фестивалінде жүлделі бірінші орынды иемденді.

Шымкенттің өкпесі аталып кеткен қалалық дендросаябақтың келбеті жыл өткен сайын көріктеніп келе жатыр. Қазіргі таңда кіреберіс аркасына жөндеу жұмыстары жасалынып жатқанын айта кетейік. Таза ауада демалушылар мен спортшылар, мегаполис тұрғындары мен қонақтары Дендрологиялық саябаққа қосымша қақпадан кіріп жүр. Әйтсе де бұл уақытша ғана екен.

78 жасар шымкенттік велоспортшы Өзбекстанның тарихи қалаларына сапарлап шықты. Кеңесбек Сейтімбетов  көрші мемлекеттің тарихи Ташкент, Бұхара, Самарқанд қалаларын аралап, екі ел ынтымақтастығын дәріптемекші.

Қылмыскерлердің қолынан ажал құшқан Сочи Олимпиадасының қола жүлдегері Денис Тенді шымкенттіктер «Мұз сарайының» алдына жиылып, еске алды. Жиналғандар Денис Теннің туған-туыстарына көңіл айтып, қайғыларына ортақ екендерін білдіріп жатты.

Елбасының жарлығымен маусым айында Шымкент қаласына республикалық маңызы бар қала мәртебесі берілгені белгілі. Жарлыққа қол қойылғалы өткен бір айда шаһарда әртүрлі тың бастамалар көтеріліп, сәтті жүзеге асырылуда. Соған орай «Нұр Отан» партиясы төрағасының бірінші орынбасары Мәулен Әшімбаев еліміздің үшінші мегаполисіне арнайы келіп, аталған бағыттағы жұмыстармен танысты.

Шымкент қаласы әкімдігінің 2018 жылғы 11 шілдедегі «Шымкент қаласының кейбір мемлекеттік мекемелерін қайта ұйымдастыру және атауын өзгерту туралы» №36 қаулысы негізінде «Шымкент қаласының тұрғын үй инспекциясы бөлімі» мемлекеттік мекемесі «Шымкент қаласының тұрғын үй қатынастары бөлімі» мемлекеттік мекемесіне қосу жолымен қайта ұйымдастырылып, «Шымкент қаласының тұрғын үй қатынастары бөлімі» мемлекеттік мекемесінің атауы «Шымкент қаласының тұрғын үй және тұрғын үй инспекциясы басқармасы» мемлекеттік мекемесі болып өзгертілді.

Шымкент қаласында жасанды интеллекті бар бірыңғай бейнебақылау жүйесін құру жоспарлануда. Қазіргі таңда «Қауіпсіз қала» жобасы аясында мегаполисте бейне-бақылау камераларының саны 479-ға дейін артып, интеллектуалды қиылыстар 21-ге дейін ұлғайтылды.

Бұл жөнінде Шымкент қаласы әкімінің орынбасары Нұрсадық Ергешбек мәлім етті. Бұл көрсеткіш қала аумағындағы көп қабатты тұрғын үйлердің жалпы санының 18 пайызын құрайды (1848). Бюджеттік ұйымдарға келетін болсақ, 364 нысанның 146-сы, яғни, 40% -ы жылумен қамтамасыз етуге дайын.

Апта басында Шымкент қаласына іс-сапармен келген «Нұр Отан» партиясы төрағасының бірінші орынбасары Мәулен Әшімбаев Шымкент қаласының әкімі Ғабидолла Әбдірахымовпен бірге қаламыздағы ең ескі оқу орындарының бірі болып саналатын ОҚМПУ-ге барып, осындағы мектеп оқушыларын робототехника пәніне оқытатын IT сыныптарын аралап, ондағы жұмыстармен танысты.

Осы аптада Шымкент қаласына «Нұр отан» партиясы төрағасының бірінші орынбасары Мәулен Әшімбаев арнайы іс-сапармен келді. Бұл сапар барысындағы басты жаңалық деп Шымкент қаласының әкімі Ғабидолла Әбдірахымовтың «Нұр Отан» партиясы Шымкент қалалық филиалының төрағасы болып сайланғанын айту керек.