Қазақстан Республикасы Мемлекеттік қызмет істері агенттігінің Түркістан облысы бойынша департаментінің бастамасымен Ордабасы ауданы әкімі аппараты тарапынан мемлекеттік қызмет көрсету сапасын арттыру аясында Ордабасы аудандық ауыл шаруашылығы және жер қатынастары бөлімінде қоғамдық бақылау жұмыстары жүргізілді.
Сауран ауданының орталығы Шорнақ елді мекенінің 1,0 гектар аумағына Рәміздер алаңын салу жоспарлануда. Әкімшілік іскерлік аумақта орналасатын алаңда 25 метр биіктіктегі көк туымыз орналасады.
Түркістан қаласындағы №28 мектеп-лицейінде «Жайлы мектеп» ұлттық жобасы бойынша көрме болып өтті. Түркістан облысы кәсіпкерлер палатасы ұйымдастырған көрмеге облыс әкімінің орынбасары Нұралхан Көшеров, ҚР сыбайлас жемқорлыққа қарсы іс-қимыл агенттігінің Түркістан облысы бойынша департаменті Превенция басқарма басшысының орынбасары Сәбит Әсілбек қатысты.
Түркістан облысының әкімі Дархан Сатыбалды Отырар ауданына жұмыс сапарында «Отырар Сүт-Ет» ауыл шаруашылығы өндірістік кооперативінің жұмысымен танысты. 2009 жылы құрылған кәсіпорында түйе сүті өңделіп, шұбат шығарылады.
Түркістан – еліміздің туристік әлеуеті зор өңірдің бірі. Облыс орталығынан бөлек, Отырар өңірі де киелі аймақ саналады. Облыс басшысы Дархан Сатыбалды «Отырар» мемлекеттік археологиялық музей-қорығы» РМҚК-на арнайы барды. Іссапар барысында Арыстанбаб кесенесіне зиярат жасап, «Отырар төбе» қалашығының жұмысы барысымен танысты.
Түркістан облысының әкімі Дархан Сатыбалды Отырар ауданына жұмыс сапарымен барып, бірқатар әлеуметтік маңызы бар нысанды аралады. Облыстық маңызы бар КХ-190 «Түркістан-Шәуілдір» автомобиль жолын қайта құру құрылысымен танысып, ондағы жүргізіліп жатқан жұмыстарды бақылады.
Санитарлық шаралар Наурыз мерекесін тойлаудың жаңа тұжырымдамасы аясында "Тазару" күніне орай ұйымдастырылды.
Ұлыстың ұлы күніне орай Түркістанда «Наурыз думан» гала концерті өтті. «Керуен сарай» кешенінде өткен кеш шымылдығы «Фараб» би ансамблінің «Кербез сылқым» биімен түрілді.
Тіршілікке жан бітіп, Жер-Ана бусанатын көрікті көктеммен бірге келетін Әз-Наурыз мерекесін ордабасылықтар кең көлемде атап өтті.
Таяуда аудан әкімі Азат Оралбаевтың төрағалығымен аппараттық мәжіліс өтті. Мәжілістің күн тәртібінде тұрмыстық қатты қалдықтарды тастайтын полигон орындары, көктем мезгіліндегі көшет егу жоспары мен елді мекендердегі тазалық жұмыстары, азаматтарды әскер қатарына жолдау, Жеңіс және Бөген ауылдық округтеріндегі нысандардың қас-келбеттерін ретке келтіру және көктемгі көшет егу шаралары бойынша жұмыстар мен алдағы міндеттер туралы мәселелер қаралды.