Бұл туралы бүгін Өңірлік коммуникациялар қызметі алаңында өткен баспасөз конференциясында Шымкент қаласы прокуратурасының әкімшілік және атқарушылық өндірісті қадағалау басқармасы басшысының міндетін атқарушысы Мирзалиев Бауыржан Қуанышбекұлы баяндады.

Сот орындаушылары мен жұмыспен қамту орталығының бірлескен шаралары нәтижесінде 241 алимент төлеуші жұмысқа орналастырылып, алиментті жалақаларынан өндіруге мүмкіндік пайда болған.

Өкінішке орай, кейбір азаматтар ұсынылған жұмысқа тұрмай, алиментті төлеуден жалтаруды жалғастырған фактілері де орын алған.

Бұл ретте қала прокуратурасының үйлестіру жұмыстарын жүргізу нәтижесінде Шымкент қаласының Полиция департаменті, Әділет департаменті және Жеке сот орындаушылар палатасы арасында борышкерлерді қылмыстық жауаптылыққа тарту меморандумы бекітілген.

Нәтижесінде жыл басынан жалпы 15 қылмыстық іс тіркелді. Оның ішінде 11 борышкерге қатысты сот үкімдері шығып бас бостандығын 1 жылға дейін шектеу түріндегі жазаға тартылған. 2 іс қылмыс құрамының болмауына байланысты өндірістен тоқтатылса 2 іс бойынша тергеп-тексеру амалдары жүргізілуде.

Алимент бойынша әрекетсіздік танытып, заңнамамен белгіленген мәжбүрлеп өндіру амалдарын уақтылы қолданбайтын сот орындаушыларына қатысты да жауапкершілік күшейтілгендігін ескеру қажет деді, Мирзалиев Бауыржан.

Айтуынша, Прокуратура органдары тарапынан сот орындаушылардың алимент өндіру туралы атқарушылық өндірістері бойынша қабылдаған шараларының толықтығына тұрақты түрде талдау жұмыстары жүргізілуде.

2024 жылы Шымкент қаласының Жеке сот орындаушылар палатасы прокурорлардың 10 заңдылықтың бұзылуын жою туралы ұсынуды қараған.

Нәтижесінде 58 жеке сот орындаушы тәртіптік жауаптылыққа тартылып, прокуратура тарапынан анықталған кемшіліктерді жою нәтижесінде 418 млн. теңге алимент берешегі өндірілген. 

Шымкент қаласы бойынша жеке сот орындаушылардың өндірісінде 16 091 іс орындауда болып, 2224 атқарушылық өндірісі аяқталған, қалдықта 13 867 құжат қалуда. Бұл туралы бүгін Өңірлік коммуникациялар қызметі алаңында өткен баспасөз конференциясында Шымкент қаласы прокуратурасының әкімшілік және атқарушылық өндірісті қадағалау басқармасы басшысының міндетін атқарушысы Мирзалиев Бауыржан Қуанышбекұлы баяндады.

Орындау барысындағы істердің ішінен 35%, яғни, 4927 құжат бойынша алимент борышкерлердің айлық жалақысынан ұсталып жатыр.

Алимент өндіру әлеуметтік маңыздылығы жоғары атқарушылық өндірістер санатына жатады.

Атап айтқанда 2023 жылы тек алимент өндірумен айналысатын арнайы кеңсе ашылған. Бүгінгі күні онда 5 жеке сот орындаушы және олардың 6 көмекшісі қызмет атқаруда. Сондай ақ Шымкент қаласының Әділет департаменті мен Шымкент қаласының Жеке сот орындаушылар өңірлік палатасы тарапынан аталған кеңседегі жеке сот орындаушылардың санын көбейтуге бағытталған шаралар қабылдануда.

Қаламызда алимент төлеуден жалтарып жүрген борышкерлер саны азаймауда, бүгінгі күнде осындай әкелердің саны 2913-ке жетіп олардың алимент берешегі 3 млрд. 807 млн. теңгегі құраған. Осы төлемдердің ұзақ мерзімде өндірілмеудің негізгі себептерінің бірі  - борышкердің тұрақты ресми табыс көздерінің болмауынан және тұрғылықты мекенжайының анықталмауы, яғни, борышкерлердің іздеуде болуы.

Сот орындаушылардың қаулыларына сәйкес 624 алимент  борышкерлеріне қатысты іздеу жарияланып, істер уақытша тоқтылған.

Прокуратура тарапынан іздеу жариялануына байланысты уақытша тоқтатылған атқарушылық өндірістер бойынша полиция органдары қандай шаралар қабылдағаны зерделенуде.

Одан бөлек, сот орындаушыларының ұсыныстары негізінде 147 борышкер әкімшілік жауапкершілікке тартылған. Оның ішінде сот қаулысымен 92 борышкерге 5 тәулікке дейін қамаққа алу, 55 борышкерге - 5 АЕК мөлшерінде (17 250 теңге) айыппұл салынған. 

Жуырда Келес ауданының Жүзімдік ауылдық округінде орналасқан «Балдырған» ЖШС бөбекжай-балабақшасында «Жазғы сауықтыру кезеңін балаларға тиімді ұйымдастыру» тақырыбында өңірлік семинар болып өтті.

Түркістан қаласында «Ел бақыты – еңбек пен бірлікте» тақырыбында Түркістан облыстық Қазақстан халқы Ассамблеясының ХХVI сессиясы өтті. Cессияға Қазақстан халқы Ассамблеясы Төрағасының орынбасары – Ассамблея хатшылығының меңгерушісі Марат Әзілханов, Түркістан облыстық мәслихатының төрағасы Нұралы Әбішов, сондай-ақ Қазақстан халқы Ассамблеясы Кеңесінің мүшелері, облыстық мәслихат депутаттары, облыстық басқармалар мен құқық қорғау органдарының басшылары, зиялы қауым, аудан, қала әкімдері, Түркістан облыстық Қазақстан халқы Ассамблеясының құрылымдары мен этномәдени бірлестіктердің жетекшілері және мүшелері, жастар ұйымдары мен бұқаралық ақпарат құралдарының өкілдері қатысты.

Республикада монументті өнер құрылыстарын орнату ономастика саласындағы «Тарихи тұлғалар» тізімі бойынша жүргізіледі. Бұл туралы таяуда Бәйдібек ауданында өткен «Ұлттық ономастика: Ізденіс пен тәжірибе» атты көшпелі облыстық семинарда айтылды.

Қазақстан Республикасы Мемлекеттік қызмет істері агенттігінің Түркістан облысы бойынша департаменті тарапынан «Сервистік және клиентке бағдарланған мемлекеттік аппаратты қалыптастыруға бағытталған қадамдық жоспары» аясында «Қызмет алушылар күні» іс-шарасын ұйымдастырып, өткізу ұсынылған.

Облыс әкімі Дархан Сатыбалды барлық аудан, қала, аудан әкімдері мен тиісті басқарма басшыларына жолдардың сапасын жақсартуды, жөндеу жұмыстарын жіті бақылауда ұстауды тапсырған болатын.

Жетісай ауданына қарасты Атамекен ауылдық округіндегі «Павел» шаруа қожалығы өзінің иелігіндегі 9 гектар егістікке 20 жылдан бері бақша дақылдарын егіп келеді.

Түркістан облысының әкімі Дархан Сатыбалды көне Сауран қалашығына барып, жай-күйімен танысты. Ғалымдар мен зерттеушілермен бірге Сауранның тарихи маңызын дәріптеу, туристік мүмкіндігін молайту, рухани және туризм орталығына айналдыру жолдарын саралап, ақылдасты.

Созақ ауданына Түркістан облысы әкімінің орынбасары Зұлфұхар Жолдасов жұмыс сапарымен келіп, инфрақұрылымдық нысандарды аралады. Сапар барысын көгалдандыруға қатысты атқарылған жұмыстан бастап, Шолаққорған-Түркістан бағытындағы «Жасыл белдеу» аймағында болды. Онда отырғызылған тал көшеттерінің өнімділігімен танысты.