Төлеби ауданында алғаш рет «Психологиялық-педагогикалық түзету кабинеттері» ашылды. Орталықтың салтанатты ашылу рәсіміне облыс әкімінің орынбасары Сәкен Қалқаманов қатысты. 

Түркістан облысының әкімі Өмірзақ Шөкеевтің төрағалық етуімен өткен жиында республикалық бюджет қаражатының игерілу барысы, Түркістан қаласының дамуы мен атаулы әлеуметтік көмек тағайындау және төлеу қағидаларындағы өзгерістер мен толықтырулар туралы, ауыл шаруашылығы саласындағы соңғы көрсеткіштер талқыланды. Жиналыста бірқатар аудан әкімдері мен басқарма басшылары Өмірзақ Естайұлының сынына ұшырады. 

Шұбарсулық ағайын сапалы электр энергиясына қол жеткізді. Ол үшін облыстық бюджеттен қаржы бөлініп, 32 трансформатор жаңадан қойылған. Ауылда ауыз судың жайы да оң шешімін тапқан. 

Облыстың ауыл шаруашылығы мамандары су тапшылығын жоюдың тың тәсілін қолданысқа енгізіп келеді. Бұл жағдай шуаруалардың шөлейтті жерлерді де игеруіне мүмкіндік жасайды. Жаңа технологияны қолдану қашан да өз жемісін берері анық. Облыс орталығында өткен жиында шаруаларға жаңбырлатып суару мен тың тәсілдердің тиімділігі түсіндірілді. 

"Ақ баталы Абыз-2019". Осындай атаумен Түркістанда батагөй қариялар байқауы өтті. Оған киелі шаһарда тұратын бір топ ақсақал қатысты. Шараның басты мақсаты - атадан балаға жеткен бата беру үрдісін жалғастыру, бай мұрамызды жаңғырту арқылы жастарды елін, жерін сүюге тәрбиелеу. 

Түркістан облыстық қоғамдық даму басқармасының ұйымдастыруымен жолға шыққан "Түркістанның руxани керуені" Қазығұрт ауданына аялдады. Бұл жолы бокстан әлем чемпионатының қола жүлдегері Біржан Жақыпов пен Сайрам ауданының бас имамы Темірбек Сейдахмет қазығұрттықтармен кездесті. 

«Балапанды күзде санайды» демекші, «Алтын күз» - шаруалардың жыл бойғы бел жазбай істелген еңбектерінің жемісін көретін, нәтижесін сараптап, балапанды санап, алдағы межелерді белгілейтін шағы. Бүгін аудандық мәдениет үйінде жылдағы дәстүрге сай «Алтын күз-2019» мерекелік іс-шарасы өтті. 

Бүгін жалпы Түркістан облысы бойынша қыздар арасында волейболдан мектеп лигасы басталды. Шардаралық "Шағала" мен түркістандық "Қызғалдақ" командасының арасындағы алғашқы кездесу барысы халықаралық турнирдегідей қызу өтті. 

Шардара ауданында "Egovmobile" жаңа мобильді қосымшасын насихаттау мақсатында арнайы семинар-тренинг ұйымдастырылды. Аудан әкімі аппаратының ұйымдастыруымен өткен іс-шараға аудан әкімі аппаратының және ішкі саясат бөлімінің, маслихат аппаратының мамандары қатысты. 

Түркістан қаласындағы жылусыз қалған көпқабатты тұрғын үйлерге жылу толық берілді. Айта кетейік, жылу құбырынан шыққан ақауға байланысты қаладағы 1 және 2-ші шағынаудандағы тұрғын үйлер мен әлеуметтік нысандар жылусыз қалған болатын.