Алматы қаласында конкурдан Әлем кубогының этапы аяқталды. Дүбірлі додада Түркістан облысының Ұлттық спорт мектебінің спортшысы Шыңғыс Маликаждар Қазақстан құрама командасының сапында ел намысын қорғады. 

Биыл осымен екінші рет жалауы желбіреген бәсеке көне қаланың «Құрметті азаматы» Алик Валиевтің құрметіне арналды. 

Түркістан облысының Сыбайлас жемқорлыққа қарсы іс-қимыл департаменті және «Түркістан – адалдық алаңы» жобалық кеңсесінің бастамасымен Мақтаарал аграрлық колледжінде кезекті «Парасаттылық мектебі» ашылып, «Ізгілік елшілері» жобасы қолға алынды. 

Қазығұрт аудан әкімінің жүлдесі үшін бокстан жасөспірімдер арасындағы облыстық турнир шымылдығын түрді. Шойын жұдырықты балалар 4 күн бойы өз орталарындағы кім мықтыны анықтайды. 

Бүгін түнде Түркістан өз чемпиондарын қарсы алды. Колледж студенттері мен ұстаздарының және облыс әкімдігінің бірлесіп, күш салуының арқасында Түркістан облысының командасы өткен жылмен салыстырғанда үш бөлім бойынша жақсы нәтиже көрсетіп, 3-орын иеленді (2018 жылы 7-орынды иеленген болатын). 

Ветеринария саласының миссиясы – жануарлардан алынатын өнімдерінің қауіпсіздігін қамтамасыз ету, эпизоотиялық жағдайларды қалыптастыру, халықтың денсаулығын адам мен жануарларға ортақ жұқпалы аурулардан қорғау, ветеринариялық-санитариялық қауіпсіздікті қамтамасыз ету, бірдейлендіру бойынша дерекқорды жүргізу және жануарларға ветеринарлық паспорт беру, қоршаған ортаны ластаудың алдын алу және оны жою. Келес ауданында ветеринариялық тұрақтылықты қамтамасыз ету бағытында атқарылып жатқан шаруалар ауқымды. 

Алматы қаласындағы «HalykArena» кешенінде ҚР Тұңғыш Президенті – Елбасы қорының ұйымдастыруымен «Ел үміті» республикалық жастар марафоны өтті. 

Түркістан облысында өткен «AltynKuz-2019» ауыл шаруашылығы қызметкерлерінің мерекесі аясында Төлеби ауданы биыл да мақсары өндіруден озат аудан атанды. Ағымдағы жылы ауданда мақсары дақылы 12900,7 гектарға егіліп, шаруалар ұзын-ырғасы 16130,2 тонна өнім алған. 

Мемлекет басшысы Қасым-Жомарт Кемелұлы Тоқаев ағымдағы жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арнаған Жолдауында «Халық үніне құлақ асатын мемлекет» тұжырымдамасына ерекше назар аударды. Ондағы басты мақсат халықпен тікелей қатынас орнату болып табылады. Осыған байланысты мемлекеттік органдарда Республикалық бірыңғай азаматтарды қабылдау күнін (ашық есік күнін) биыл 21 қарашада өткізу жоспарланды. 

Нұр-Сұлтан қаласында өткен еліміздің техникалық және кәсіптік білім беру саласының әлеуетін көрсететін «WorldSkillsKazakhstan-2019» V республикалық чемпионаты өз мәресіне жетті. Байқаудың мақсаты – жастарға кәсіптік бағдар беру, ел экономикасын дамыту барысында бәсекеге қабілетті мамандарды даярлау, сарапшылар қауымдастығын құру және халықаралық стандарттар негізінде техникалық мамандықтар бойынша өндіріс орындары саласын жоғары технологиялық мамандармен қамтамасыз ету механизмін құру.