Түркістандық 6 жас Президенттік кадр резервінің шешуші кезеңдеріне өткен. Атап айтсақ, резервке алынған жастарға алдағы 5 жыл ішінде мемлекеттік ең жоғары басқарушылық министр және олардың орынбасарлары, жауапты хатшы, облыс әкімі мен орынбасарлары, аппарат басшылары, комитет төрағалары, ұлттық компания мен холдинг төрағалары және мүшелері, сонымен қатар аудан, қала әкімі лауазымдары ұсынылады.
«Әзірет Сұлтан» мемлекеттік тарихи-мәдени қорық-музейіне қарасты Рәбия Сұлтан Бегім кесенесін музейлендіру жұмыстары аяқталып, келушілерге есігі ашылды. Аталған музейлендіру жұмыстары барысында кесене ішіне арнайы орындықтар қойылып, тұлғалар жайлы мәліметтер мен төл жәдігерлері орналастырылған.
Түркістан облысы, Жетісай ауданында Халықаралық зағиптар күні қарсаңында ақ дастархан жайылып, мерекелік сый-сияпаттар жасалды. 13 қараша – Халықаралық зағиптар күніне орай Жетісай ауданында мерекелік іс-шара болып өтті.
Киелі ауданның тазалығын бүгінгі таңдағы биік талғам мен талапқа сай берік сақтап, өңірді жасыл желекке оранған көрікті мекенге айналдыру мақсаты күн тәртібінен түсіп көрген емес. Осы бағытта "Ұлылар отаны" атанып, еліміздің Тұңғыш Президенті - Елбасы Н.Ә.Назарбаевтың өзі "Отырар - қазақ өркениетінің алтын діңгегі" деп жоғары бағасын берген ауданда соңғы уақыттардың өзінде көптеген игілікті істер жүзеге асырылып, келген қонақтар мен аудан тұрғындарының көңілдерінен шығуда. Тек бүгінгі күннің ғана емес, келешектің де жарқын игілігі үшін бүгін қасиетті Арыстанбаб бабамыз мәңгілік тыныстаған жердегі кесенесінің кіреберіс қақпасы маңына аудан әкімі Ә.Жүнісов, аудан прокуроры К.Нәрікбаев, аудандық полиция бөлімінің бастығы Б.Мыңжасаров пен аудандық мәслихаттың хатшысы М.Манапов бастаған мәслихат депутаттары мен аудандағы әр саланың бөлім басшылары шырша көшеттерін отырғызды. "Бір тал кессең, он тал ек" деген халық даналығын кейінгі жас буын ұрпақтарға үлгі етуді мұрат тұтқан бұл игілікті іс алдағы кездерде де жалғасын таба беретіні сөзсіз.
«AQ-QARA.KZ»-ақпарат.
Қызметін қарапайым ұстаздықтан бастап ауданның әкімі, облыс әкімінің орынбасары, Қазақстан Республикасы Парламенті Мәжілісініңдепутаты атанған, мемлекет және қоғам қайраткері Оразкүл Асанғазиева аудан орталығы Жетісай қаласындағы “Б.Момышұлы” мектеп-гимназиясында қыз-келіншектермен кездесті. Басқосуға Жетісай ауданы әкімінің орынбасары Мақсат Жанұзақұлы Жолдасбеков пен аудандық білім бөлімінің әдіскерлері, ұстаздар мен колледж студенттері қатысты.
Шағалалы Шардарада самбо күресінен облыстық №4 олимпиада резервінің мамандандырылған балалар-жасөспірімдер спорт мектебінің ашық біріншілігі өз мәресіне жетті. Спорттық сайыс Қазақстан Республикасының Тұңғыш Президенті күніне орай ұйымдастырылды. 2004-2005 жылы туған жасөспірімдер арасында өткен боз кілемдегі бәсеке екі күнге созылды.
«В рамках визита ректора Академии государственного управления при Президенте Республики Ерлана Абил в филиале Академии по Туркестанской области проведена презентация региональных проектов слушателей курса переподготовки для государственных служащих, впервые назначенных на руководящие должности», передает ИА «AQ-QARA.KZ», со ссылкой на Региональную службу коммуникаций Туркестанской области.
Қазығұрт ауданының ауыл шаруашылығы еңбекерелері ағымдағы жылды зор табыстармен қорытындылады. Аудан «Агроөнеркәсіп кешені» даму бағдарламасы бойынша облыста үшінші орынды иеленсе, ал астық өндіруден бірінші орынға шығып отыр. Толағай табыстарға жеткен диқандар мен шаруалар аудан орталығында жәрмеңке өткізіп, «Алтын күз» мерекесін тойлады.
ҚР Президенті жанындағы Мемлекеттік басқару академиясының ректоры Ерлан Қуанышұлы жұмыс сапарымен Академияның Түркiстан облыстық филиалына арнайы келiп, басшы лауазымына алғаш тағайындалған мемлекеттік қызметшілердiң өңірлік жобаларымен танысты.
Қазақ күресінен Төле би баба құрметіне арналған жасөспірімдер арасында республикалық турнир аяқталды. Ұлттық спортымыз ұлықталған жарысқа еліміз бойынша жүзге жуық балуан қатысып, бақ сынасты. Айта кетейік, бұл турнир осымен үшінші рет ұйымдастырылып отыр.