Бой жарыстыратын емес, ой жарыстыратын заманда балалар бәсекеге қабілетті білім алуы шарт. Мырзашөл өңірінің жастарымен кездескен «Зерттеуші» Республикалық ғылыми-білім беру орталығының жетекшісі осылай дейді. Аталмыш мекеме ауыл жастарына білім грантын алу, жалпы мамандық таңдау бойынша арнайы кеңес берді. Оған қоса орталықтың ұйымдастыруымен аудан ұстаздары мен шәкірттері эссе жазудан бақтарын сынап, үздіктерге құрмет көрсетті.

Сарыағаш ауданының әкімі Мұхит Отаршиевтің қызметке кіріскеніне 100 күннен асты. Осыған орай аймақ басшысы «Болашақ жастар - 100 күн» деген тақырыппен кездесу өткізді. Онда жастар саясатын дамытудың тиіміді тұстары кеңінен сөз болды. Екі жақты ашық әңгіме болды.

Созақ ауданындағы Әлішер Науаи атын иеленген жалпы орта мектептің тарихы өткен ғасырдың 20- жылдарынан бастау алады. Бүгінде ескі ғимарат жойылып, оның орнына заманауи үлгідегі мектеп салынған. Қазір мұнда мыңға жуық бала оқиды. Бір ерекшелігі- бұл мектепте дарынды балалар өте көп. Олар қашанда мектеп мақтаныштары.

Тәуелсіздік күніне орай Түркістандағы Балуан Шолақ атындағы спорт кешенінде әйелдер арасында баскетболдан Азия және Қазақстан командалары арасында халықаралық жарыс өтті. Қырғызстан мен еліміздің барлық аймақтарынан келген баскетболшылар шаршы алаңда бақтарын сынады.

Тұңғыш Президент күніне арналған игі шаралар легі әле де болса жалғасын табуда. Соның бірі ретінде Түркістан облыстық судьялар одағының үйымдастыруымен Қожа Ахмет Яссауи атындағы халықаралық қазақ-түрік университетінің спорт залында өткен шағын футбол турнирін айтуға болады.

Облыс прокурорлары жыл басынан бері 450 мыңнан астам азаматтың құқығын қорғауға ат салысқан. Олардың ішінде 74 мыңы кәмелет жасына толмағандар болса мен 8 мыңдайы кәсіпкер. Сонымен қатар қадағалушы орган өкілдері 2 мыңдай жұмысшының ала алмай жүрген айлық жалақысын өндіруге де көмектескен. Ең бастысы ағымдағы жылы құны 2 миллиард теңгелік жер телімдері мемлекет меншігіне қайтарылған. Бұл туралы қазақстан прокуратура органдарының құрылған күніне орай ұйымдастырылған жиында облысымыздың бас прокуроры мәлімдеді.

Аймақта түрлі нысандар бой түзеп, біршама тірліктер атқарылды. Ішкі көшелер жөнделіп, аяқ жолдар салынды. Сондай-ақ бағдаршам орнатылып, біршама көшелерге жарықтандыру жұмыстары жүргізілуде.

Жарыс додасына еліміздің түкпір-түкпірінен келген 700-ден астам өнерпаз қатысып, бақ сынады. «Атадан мұра» қоғамдық қорының ұйымдастыруымен өткен шара ауыл таланттарының талабын ашуды көздейді.

Бәйдібек ауданындағы Ағыбет ауыл округі – ынтымағы мен ырысы жарасқан мекен. Өңір тұрғындары қаншама жылдан бері атадан қалған мал мен егін шаруашылығын дамытып отыр. Жыл сайын жоспарды артығымен орындайтын округ, биыл да сол межеден көрінді.

Келес ауданында Бас партияның 3 мың 283 мүшесі топтасқан 12 бастауыш партия ұйымы бар. Аудандық мәдениет үйінде нұротандықтардың кезекті мәжілісі өтті. Жиында аудандық филиал төрағасы Ақментай Есбаев ақпараттық – идеологиялық жұмыстарды аудан көлемінде барынша дамыту, бастауыш партия ұйымдарының жұмыстарын жандандыру сынды тапсырмалар жүктеді. Белсенділігі төмен бірқатар партия ұйымдарына ескертулер берді.