Спортшыларымыз өнер көрсеткен жарыстарға тоқталар болсақ, Индонезия елінің Сарабия қаласында өткен U20 жас аралығында Әлем чемпионатының жолдамасы сарапқа салынды. Бұл чемпионатта Ұлттық құрама бесінші орын алып, 2025 жылы өтетін Әлем чемпионатына жолдама жеңіп алды. Құрама сапында екі спортшымыз өнер көрсетті. Олар, Икрамов Диёрбек пен Хавазматов Муроджон.

Ташкентте U18 жас аралығы бойынша Орталық Азия чемпионаты өтті. Бұл чемпионатта Ұлттық құрама үшінші орынға ие болды. Құрама сапында үш бірдей жерлесіміз, соның біреуі Ұлттық құрама капитаны өнер көрсетті. Олар: Алишер Мақсат (команда капитаны), Ирисматов Жасурбек және Хабибуллаев Азизбек. Сондай-ақ, Ресейдің Якутск қаласында “Дети Азий” ойындары өтті. Еліміздің намысын қорғауға жас волейболшы команда қатысып, үшінші орыннан көрінді. Бұл жарыста екі спортшымыз Дюсебаев Жанибек пен Хабибуллаев Азизбек команда сапында өнер көрсетті.

 Сонымен бірге, қаламыздағы волейбол спорт түрінен бірқатар жаттықтырушылар арасында өзгертулер орын алды. Жас ерекшеліктер бойынша аға жаттықтырушылар бекітілді.  Олар: Ересектер бөліміне- Құлбеков Марғұлан, жастар бөліміне - Иргашов Тимур, жасөспірімдер бөліміне - Хайтметов Голибжан, кіші жасөспірімдер бөліміне - Утеев Ерлан. 

Шымкенттік волейболшылар 2025 жылы өтетін төрт жылда бір рет келетін Жастар ойындарына қатысады. Басқарма басшысы келер жылы болатын жоспарларымен танысып, Шымкент қаласының атынан Жоғарғы лигаға команда жасақтау туралы ойымен бөлісті.