Ел чемпионатында қатарынан 12 мәрте жеңімпаз атанған “БИІК-Шымкент” командасы Чемпиондар лигасының 1-ші іріктеу кезеңін алғашқы болып Болгарияның “НСА” командасымен өткізеді. Ойын 4-ші қыркүйек күні Люксембруг қаласында өтеді. Топтағы алғашқы кездесулердің қорытындысына сәйкес, командамыз 2-ші ойынын 7 қыркүйекте өткізетін болады.

Айта кетейік, бұған дейін УЕФА чемпиондар лигасының 1/8 финалдық кезеңіне 3 рет қатысқан командамыз, осы жолыда жоғары жетістіктерімен футбол жанкүйерлерін қуантады - деген сеніміміз мол.

Естеріңізге сала кетейік, бұған дейін «БИІК-Қазығұрт» болған шымкенттік клуб  атауын «БИІК-Шымкент» деп өзгертті. Он жыл жаттықтырған бапкерін де осыдан бірнеше жыл бұрын ауыстырды. Бірқатар көшбасшы ойыншысы да командадан кетті. Бірақ бұл өзгерістер команданың жылдағыдай үздік нәтиже көрсетуіне кедергі келтіре қоймады.

«БИІК-Шымкент» – Қазақстандағы ең үздік клуб. Футболдан әйелдер арасында Қазақстан чемпионатының әр маусымын жеңіп жүрген команда. Елімізде оларға тең келер ешкім жоқ. «БИІК»-тің Еуропа клубтары арасында да өзіндік орны бар. Жыл сайын Чемпиондар лигасының топтық кезеңінде еліміздің намысын абыроймен қорғап жүр.