Мақсат - кәсіподақ мүшелерін бұқаралық спортқа тартуға, салауатты өмір салтын насихаттауға, сондай-ақ Салалық кәсіподақтар арасындағы ынтымақтастықты нығайтуға бағытталған.

Турнирдің ашылу салтанатына «Шымкент қаласы кәсіподақтар орталығы» аумақтық кәсіподақтар бірлестігінің төрағасы Әлтеев Бауыржан қатысып, өз сөзінде турнирдің маңыздылығын атап өтіп, барлық қатысушыларға сәттілік тіледі.

Ашылу салтанатына «Қызмет» Салалық кәсіподағы Шымкент қалалық филиалының төрағасы Серік Әуесханов қатысты.

Турнирге Салалық кәсіподақ филиалдарының және жергілікті кәсіподақ ұйымдарының бастауыш кәсіподақ ұйымдарынан жасақталған 7 командасы:

1. «Қызмет» мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Шымкент қалалық филиалының атынан, оның мүшелік ұйымы - Шымкент қаласы әкімдігінің "Еңбек мобильдігі орталығы" коммуналдық мемлекеттік мекемесінің командасы;

2. «Мәдениет, ақпарат және спорт Салалық кәсіподағы» қоғамдық бірлестігі Шымкент қалалық филиалының атынан, оның мүшелік ұйымы - Опера және балет театры ұжымының командасы;

3. "Сенім" денсаулық сақтау саласы медицина қызметкерлері кәсіподағы Шымкент қалалық филиалының атынан, оның мүшелік ұйымы - Жедел жәрдем стансасы ұжымының командасы;

4. "Петро Қазақстан" АҚ-ның командасы;

5. "Су құбыры және канализация басқармасы" МКК-ның командасы;

6. "Су ресурстарды маркетинг" ЖШС-нің командасы;

7. "Қуат жылу орталық" МКҚК-ның командасы қатысып, жарыс барысында өзара мықтылар анықталды.

Тартысты өткен кіші футбол жарысының қорытындысы бойынша, 1-орынды "Петро Қазақстан" АҚ-ның командасы иеленді. Үздік ойын көрсеткені үшін 75000 теңге ақшалай сыйлықпен және арнайы кубокпен марапатталды.

Ал, 2-орынды "Сенім" медицина қызметкерлері кәсіподағы иеленіп, оған 50000 теңге ақшалай сыйлық және арнайы кубок табысталды.

Сондай-ақ, 3-орынды "Су құбыры және канализация басқармасы" МКҚК-ның командасы иеленіп, оған 30000 теңге көлемінде ақшалай сыйлық және арнайы кубок табыс етілді.

Сонымен қатар түрнирдің «Үздік ойыншысы», «Үздік қақпашысы» және «Қақпаға көп доп соққан» ойыншыларға да арнайы сыйлықтар табысталды.

Барлық қатысушылар жоғары деңгейде дайындалып, нағыз спорттық рух пен командалық ынтымақты көрсетті.

Шара соңында барлық қатысушылар мен ұйымдастырушыларға алғыс білдіріліп, болашақта да осындай жарыстардың жалғасын табатынына сенім білдірілді.

Ынтымағы мен бірлігі жарасқан кәсіподақтар күні мерекесі құтты болсын!