Қорытынды жиынында «Қызмет» салалық кәсіподағы Шымкент қалалық филиалының төрағасы Серік Елемесұлы спорт мектебінің қызметкерлерін «10 қазан - Қазақстан кәсіподақтары күні» мерекесімен құттықтап, бірқатар кәсіподақ мүшелеріне кәсіподақ наградаларын табыстады.
Атап айтқанда, «Қызмет» салалық кәсіподағы Шымкент қалалық филиалының «Еңбек озаты» төс белгісімен мекеме директорының оқу-ісі жөніндегі орынбасары Рүстем Талғат Рүстемұлы, филиалдың «Құрмет грамотасымен» жаттықтырушы Төлебаев Бақытбек Абылайұлы және филиалдың «Алғыс хатымен» әдіскер-нұсқаушы Лесова Жанетта Сатыбалдықызы марапатталды.
Жиын соңында мекеме басшысының орынбасары Талғат Рүстемұлы «Қызмет» салалық кәсіподағының атына алғыс айтып, жұмыстарына сәттілік тіледі.