Сондай-ақ, спорттық жарыста орта арнаулы оқу орындарының өзара байланысы мен қарым-қатынасын нығайту басты міндет. Волейбол ойынында барлық команда жеңіске құштар. Жүлдені қолдан бергісі келмейді. Аянбай тер төккен белсенді топтың арасында №6 колледж жастары да бар.

Өзгелерден ерек, қарым-қабілеті бөлек бұрымдылардың бұл жолы бағы мен бабы қатар келді. Оқу ордасының үмітін ақтап, жүлделі бірінші орынды жеңіп алды. Бағалы сыйлақтар мен кубоктың иегері атанды.Ал, финалға жолдама алып, бір ғана командадан ұтылып қалған жеңіл өнеркәсіп және сервис колледжінің студенттері екінші орынды місе тұтты. Жол көлік колледжінің командасы үшінші орынға жайғасты. Осылайша турнирде салауатты өмір салтын сақтаған, спортқа әуес жастардың мерейі өсті.

«AQ-QARA-KZ» - ақпарат»