Мақтаарал ауданындағы эвакуациялық пункт болып белгіленген №43 Т.Әубәкіров атындағы мектеп ғимаратында Сарыағаш ауданына бекітілген Жаңатұрмыс елді мекенінің тұрғындары орналастырылған. Бір сәтте қорқынышпен үрейдің ішінде қалған мектеп жасындағы балалардың көңілдерін көтеру мақсатында Сарыағаш ауданының мәдениет, тілдерді дамыту, дене шынықтыру және спорт бөліміне қарасты №3 балалар мен жасөспірімдер мектебінің мамандары ұлттық спорттың гір көтеру, асық ату, ләңгі тебу және тағы басқа түрлерінен сайыстар мен сергіту ойындарын ұйымдастырды.

Ал, осыған дейін Түркістан облысы мәдениет басқармасына қарасты «Оңтүстікфильм» КММ-нің ұжымы Тосыннан болған апаттан әбігерге түсіп, күйзеліске ұшыраған тұрғындарды рухани қолдау және балаларға қуаныш сыйлау мақсатында
Атакент кентіндегі N5 Мақтаарал мектеп-гимназиясында орналасқан бүлдіршіндерге анимациялық фильмдер көрсеткенін жазған болатынбыз.

«AQ-QARA.KZ»-ақпарат.