Елдің түпкір-түпкірінен жіберіліп жатқан көмектен Қостанай облысы да шет қалмады.
«Birgemiz» акциясы аясында «Nur Otan» партиясының Қостанай облыстық филиалы жергілікті «Salamat» және «Атамекен-Дос» ЖШС қолдауымен Түркістан облысының Мақтаарал ауданына тасқын судан зардап шеккен азаматтарға қолдау көрсету мақсатында 20 тонна гуманитарлық көмек жіберді. Партия белсенділері мен волонтерлері бірлесе жинаған көмек тиелген жүк көлігі бүгін облысымыздан Түркістан жеріне жол тартып, үш күн көлемінде белгіленген жерге жетпек.

Айта кетерлігі, "Біз біргеміз" акциясы аясында Мақтааралға Нұр-сұлтан мен Алматы қаласы, Алматы және Жамбыл облысы, Атырау, Ақтөбе, Маңғыстау, Батыс және Шығыс Қазақстан облыстарынан және Қазақстан халық Ассамблеясы тарапынан көмектер келді. Сондай-ақ,  жеке кәсіпкерлер мен азаматтар да атасалысуда. 

«AQ-QARA.KZ»-ақпарат.