- Қазақстанда бүгіннен бастап төтенше жағдай режимі алынды. Алайда пандемияның кең таралуына жол бермеу мақсатында Шымкент қаласы аумағында 11 мамырдан 25 мамырға дейін карантин тәртібі сақталады. Қазіргі таңда қаланың кіреберістерінде 18 блок-бекет жұмыс істеп тұр. Барлық жағдай –  қатаң бақылауда. Дегенмен карантин талаптары біршама жеңілдетіліп жатыр. Бұл ретте Шымкент қаласында 12 мамырдан бастап қоғамдық көліктер таңғы сағат 07:00 мен кешкі сағат 21:00 аралығында тиісті санитарлық нормаларды сақтай отырып жүре бастайды, - деді қала әкімінің бірінші орынбасары.

Ербол Садырдың мәлімдеуінше, қала аумағындағы базарлар да (автокөлік базары мен мал базарынан бөлек) ертеңнен бастап сағат 10:00 мен 18:00 аралығында жұмыс істей бастайды екен.

«AQ-QARA.KZ»-ақпарат.