Шымкент қаласының Полиция департаментінің бастығы Ералы Жұмаханбетовтыңайтуынша, карантин режимі енгізілгеннен бері Шымкент қаласында 513 құқық бұзушылық дерегі тіркелген. Құқық бұзушылықты анықтауда арнайы құрылған мобильді топтардың атқарған жұмысы аз емес. Атап айтқанда, 513 құқықбұзушылықтың ішінде мобильді топ өкілдерімен анықталғаны – 351 жайт.

Жалпы полицейлер халыққа айыппұл салу кезінде үш рет ескерту жасап барып, хаттама толтырған. Бүгінге дейін жалпы 407 хаттама толтырып, 27 миллион 2160 теңге көлемінде айыппұл салған.

Күнделікті жағдайдың өзгеруіне байланысты полицейлердің қызметін тиімді ұйымдастыру мақсатында бірқатар қосымша шешімдер қабылданып, бақылау күшейтілген.

Жалпы полиция генерал-майоры Ералы Мұсаәліұлы БАҚ өкілдерімен ашық әңгіме өрбітті. Көкейдегі мазалаған сұрақтардың барлығына жан-жақты толық жауап берді.

 «AQ-QARA.KZ»-ақпарат