Жыл басында Келес ауданының орталығы Абай ауылында кәсіпкерлерге қызмет көрсету орталығы іске қосылған болатын. Қазіргі таңда аталған мекеме өз қызметтерін жалғастыруда. Ауданда тоқтап тұрған қыш зауытының иесі ауысып, қайта құрылымнан өткен кәсіпорын бүгінде жаңа қыш өнім түрлерін шығаруда. Сондай-ақ, аудан кәсіпкерлерінің ішкі инвестицияларының арқасында қазіргі таңда 3 кәсіпкерлік нысан іске қосылып, өз кәсіптерін дөңгелетуде.

2019 жылдың 13 шілдесінен бастап Қазақстан Республикасы Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты аясында Түркістан облысының Жетісай ауданындағы Асықата кентінде «Мырзашөл» Ақпараттық білім беру орталығы өз жұмысын бастады.

Мақтаарал ауданы әкімі Бақыт Асанов ауыл шаруашылығы бойынша іске асырылған құны 150 миллион теңгені құрайтын 6 жобаның жұмыс барысымен танысты. Халықты жұмыспен қамту үшін алдыңғы қатарлы технологияларды қолдана отырып құны 1 миллиард теңгеден астам 26 жоба аудан әкімдігі тарапынан әзірленіп, облыстық ауыл шаруашылығы басқармасына ұсынылған. Соның ішінде 6 жоба іске қосылып үлгерді.

Қазіргі таңда Шардара ауданында 2 мектептiң құрылысы басталып, 3 мектепке күрделі жөндеу жүргізілуде. Ауданда жаңадан бой көтеріп жатқан мектептердің бірі «А.Иманов» атындағы 300 орындық орта мектеп. Жалпы ауданы 6936 шаршы метрді құрайтын құрылыс нысаны 9 айда толығымен аяқталып, қолданысқа берілмек.

Түркістан облысы, Кентау қаласының орталығындағы Ясауи аллеясының бойынан таяуда Рәміздер алаңы бой көтеруі әбден мүмкін. Бұл жайында қалалық мәслихат депутаттары мен қоғамдық кеңес мүшелерінің арасында өткен кездесуде айтылды.

Түркістанда қоқысты қайта өңдеу ісі қолға алынатын болады. Бұл жайында қала әкімі Рашид Аюповтың Финляндиялық МариМатик концерні басшылығымен кездесуінде мәлім болды.

Кентауда «Асыл әже» байқауы өтті. Түркістан облысы, Кентау қаласында жасы 60-тан асқан әжелер сахнаға шығып, түрлі кезеңдер бойынша өз өнерлерін көрсетті. Атап айтар болсақ, алдымен өздерін көпшілікке өлең жолдарымен таныстырған әжелер, екінші кезеңде ертегілер айтудан өзара бақ сынады.

Мемлекет басшысы Қасым-Жомарт Тоқаев Түркістан еліміздегі ең көрікті қаланың біріне айналатынын айтты. «Шын мәнінде Түркістан облысы бойынша белсенді жұмыс жүргізілуде. Құрылыс қарқынды іске асырылып жатыр. Премьер-Министр өңірге жиі барып тұрады, яғни мәселені мұқият қадағалап отыр. Амандық болса, Түркістан біздің тарихымыздың, мәдениетіміздің алтын бесігі ретінде қайта қалпына келеді. Керемет сымбатты қала болып шығады деп ойлаймын», - деді Президент Үкіметтің кеңейтілген отырысында.

Түркістан облысы әкімінің орынбасары М.Мырзалиевтың басшылығымен Төлеби ауданы, Қасқасу елді мекені, ««Еco Village Кaskasu» демалыс аймағында «Қасқасу» тау-шаңғы курортын дамыту бойынша халықаралық сарапшылардың қатысуымен «дөңгелек үстел өтті. Дөңгелек үстелге мемлекеттік органдар, Dianeige France, STEM International France,MND Group Franceсияқты халықаралық компаниялардың сарапшылары, РФ және ҚР халықаралық шаңғы федерациясының инспекторлары және қазақстандық компаниялар «Гео дата плюс» ЖШС және «ASP Project company» ЖШС қатысты. Жиынға қатысқан барлық компаниялардың тау-шаңғы курортын құру және дамыту бойынша үлкен тәжірибесі бар.

Жетісай ауданы әкімдігінде аппараттық жиыны өтті. Жиында ең бірінші мәселе ретінде мақта зиянкестеріне қарсы күрес жайы талқыланды. Аталған мәселе бойынша Түркістан облыстық ауыл шаруашылығы басқармасына қарасты өсімдіктерді қорғау жөніндегі мемлекеттік инспекция бөлімінің басшысы Темірхан Елғонов баяндама жасады.