«Ырыс» микроқаржы ұйымы Түркістан облысында жаңадан «Ырыс-өркендеу» бағдарламасын іске қосты. Облыс әкімі Жансейіт Түймебаевтың тапсырмасы аясында жүзеге асырылып жатқан жоба бойынша енді ұйым шаруаларға аванстық төлемсіз қаржылық лизинг түрінде қолдау көрсетеді. Бұл туралы «ОNTUSTIK» аймақтық инвестициялық орталығы» басқармасы төрағасының орынбасары Темур Абильдинов отырарлық шаруалармен өткен кездесуде сөз етті. Бұл туралы «AQ-QARA.KZ» ақпарат агенттігі хабарлайды аудан әкімдігі таратқан ақпаратқа сілтеме жасап. 

Жапонияның Қазақстандағы төтенше және өкілетті елшісі Итиро Кавабата мен елшіліктің екінші хатшысы Хидэаки Ямадзуми Түркістан қаласының әкімі Әліпбек Өсербаевтың қабылдауында болды. Кездесу барысында екі ел арасындағы ынтымақтастықты нығайту туралы сөз болып, Жапония елшілігі мен Түркістан облысы, Түркістан қаласы арасында серіктес ретінде жұмыс істеу жайы кеңінен талқыланды. 

Түркістан қаласының әкімі Ә.Өсербаевтың төрағалығымен Елбасы Н.Назарбаевтың «Болашаққа бағдар: рухани жаңғыру» бағдарламалық мақаласы аясында және 18 қазан «Рухани келісім күніне» орай «Рухани жаңғыру Түркістан төрінен басталады» атты тақырыпта кеңейтілген мәжіліс өтті. 

Елбасы Жолдауын түсіндіру және насихаттау мақсатында Төлеби ауданына арнайы іссапармен ҚР Парламенті Сенатының депутаттары Асқар Бейсенбаев, Әли Бектаев, Әлімжан Құртаев сынды азаматтар келіп, аудан активімен және тұрғындармен кездесті. 

Жуырда Түркістан облысы Қоғамдық кеңесінің ұйымдастыруымен ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша департаментінің ұсынысы бойынша Қоғамдық кеңестер мүшелерінің алғашқы съезі өтті. Жиынға облыс әкімінің орынбасары Ұ.Сәдібеков, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің және Ұлттық бюроның Түркістан облысы бойынша департаментінің басшылығы, қала, аудан әкімдері және орынбасарлары, облыстық, қалалық, аудандық мәслихат депутаттары, облыстық басқарма басшылары, «НұрОтан» партиясының аудандық, қалалық филиалдарының бірінші орынбасарлары, Қоғамдық кеңестердің облыстық, қалалық, аудандық төрағалары мен мүшелелері, облыстық арнайы мониторингтік топ мүшелері, белсенді жастар мен БАҚ өкілдері қатысты. 

Қазіргі таңда Жетісай ауданының халқы 172 мың 903-ке жетіп отыр. Өңіріміздегі демографиялық өсім де жыл санап жақсарып келеді. Бұл жетістіктерге қол жетізуде алтын құрсақты аналардың қосып отырған үлесі орасан зор. 

Қазанның 25-інде Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл Агенттігінің Түркістан облысы бойынша департаментінің бастамасымен облыс орталығы Түркістанда орналасқан Қ.А.Ясауи атындағы Халықаралық қазақ-түрік университетінде Мемлекеттік қызмет мектебінің ашылу салтанаты өтті. 

«Сырлы Созақ». Осындай тақырыппен бастау алған республикалық ақындар айтысы Теріскейдің 90 жылдық мерейлі мерекесіне арналды. 

Мақтаарал ауданының 90 жылдық мерейтойы қарсаңында «Мақтаарал – ұлы билер ұлағатының құт мекені» тақырыбымен қазақ халқының Тәуелсіздігі жолында күрескен ата-бабаларымызға және Мақтаарал ауданының дамуы үшін аянбай еңбек еткен азаматтардың рухына арналып ас берілді. Қазақтың үш биі арқылы ел бірлігін насихаттайтын шараны өткізуге Мақтаарал ауданы әкімдігі және республикалық «Әйтеке би» қоғамдық қоры мұрындық болды. 

Әлеуметтік сала еліміздегі ең өзекті бағыттардың бірі болып табылады. Осыған орай, Жетісай ауданында қазан айының соңғы жексенбі күні Әлеуметтік қорғау жүйесінің күні аталып өтті.